ജില്ലാ കളക്ടര്‍ എത്താതെ മൃതദേഹം കൊണ്ടുപോകാൻ അനുവദിക്കില്ല ; നൂല്‍പ്പുഴ കാട്ടാന ആക്രമണത്തില്‍ പ്രതിഷേധവുമായി നാട്ടുകാർ

കല്‍പറ്റ: സുല്‍ത്താൻ ബത്തേരി നൂല്‍പ്പുഴയില്‍ കാട്ടാന ആക്രമണത്തില്‍ ഒരാള്‍ കൊല്ലപ്പെട്ട സംഭവത്തില്‍ പ്രതിഷേധവുമായി നാട്ടുകാർ.

ജില്ലാ കളക്ടർ എത്താതെ മൃതദേഹം കൊണ്ടുപോകാൻ അനുവദിക്കില്ലെന്നാണ് നാട്ടുകാർ പറയുന്നത്. കാപ്പാട് ഉന്നതിയിലെ ചന്ദ്രികയുടെ ഭർത്താവ് മനു(45)വിനെയാണ് കാട്ടാന ആക്രമിച്ച്‌ കൊലപ്പെടുത്തിയത്.

കടയില്‍ നിന്ന് സാധനങ്ങള്‍ വാങ്ങിവരവെയായിരുന്നു സംഭവം. ഒപ്പമുണ്ടായിരുന്ന ചന്ദ്രികയെ കാണാനില്ലെന്ന് ഐ സി ബാലകൃഷ്ണൻ എംഎല്‍എ പറഞ്ഞു.

വീടിനടുത്തുള്ള വയലിലാണ് മനുവിന്‍റെ മൃതദേഹം കണ്ടെത്തിയത്. മനുവിൻ്റെ മൃതദേഹം കിടന്നതിന് സമീപം കാട്ടാനയുടെ കാല്‍പ്പാടുകള്‍ കണ്ടെത്തിയിരുന്നു. ഇൻക്വസ്റ്റ് നടപടികള്‍ പൂർത്തിയാക്കി മൃതദേഹം പോസ്റ്റ്‌മോർട്ടത്തിനായി കൊണ്ടുപോകും.