പാലക്കാട്: അട്ടപ്പാടിയിൽ 7 വയസ്സുകാരിക്ക് നേരെ ലൈംഗികാതിക്രമം നടത്തിയ അച്ഛൻ അറസ്റ്റിൽ. ശാരീരികാസ്വാസ്ഥ്യത്തെ തുടർന്ന് കുട്ടിയെ ആശുപത്രിയിൽ എത്തിച്ചപ്പോഴാണ് പീഡന വിവരം പുറത്തറിയുന്നത്.
2023 മുതൽ ഇയാൾ കുട്ടിയെ ലൈംഗികമായി ഉപദ്രവിച്ചിരുന്നുവെന്നാണ് പരാതി. ഉറങ്ങിക്കിടക്കുന്ന സമയങ്ങളിലായിരുന്നു പിതാവ് കുട്ടിയെ ഉപദ്രവിച്ചിരുന്നത്. ഉടൻ തന്നെ കോട്ടത്തറ ആശുപത്രി അധികൃതർ പോലീസിൽ വിവരമറിയിച്ചു. തുടർന്ന് നടത്തിയ അന്വേഷണത്തിനൊടുവിലാണ് പ്രതിയെ പിടികൂടിയത്. കോടതിയിൽ ഹാജരാക്കിയ പ്രതിയെ റിമാൻഡ് ചെയ്തു.
