ഇനി സിപിഎമ്മിലേക്ക് തിരികെയില്ല, കൗണ്‍സിലര്‍ സ്ഥാനം രാജിവെയ്ക്കില്ല; ഭരണപക്ഷം എതിർക്കപ്പെടേണ്ട തീരുമാനങ്ങള്‍ കൊണ്ടുവന്നാല്‍ എതിർക്കും; നിലപാടില്‍ ഉറച്ചുനില്‍ക്കുമെന്ന് കലാ രാജു

കൊച്ചി: ഇനി സിപിഎമ്മിലേക്ക് ഇല്ലെന്ന് കൂത്താട്ടുകുളം നഗരസഭ കൗണ്‍സിലർ കലാ രാജു.

കൗണ്‍സിലർ സ്ഥാനം രാജി വെയ്ക്കില്ലെന്ന് പറഞ്ഞ കല സിപിഎമ്മിലേക്ക് ഇനി തിരികെയില്ലെന്നും നിലപാട് വ്യക്തമാക്കി.

ഇന്നത്തെ കൗണ്‍സില്‍ യോഗത്തില്‍ പങ്കെടുക്കും. നിലപാടില്‍ ഉറച്ചുനില്‍ക്കുമെന്നും കലാ രാജും കൂട്ടിച്ചേർത്തു.

കൗണ്‍സിലിന് മുന്നോടിയായിട്ടുള്ള എല്‍ഡിഎഫ് പാർലമെന്ററി യോഗത്തില്‍ പങ്കെടുക്കില്ല. ഭരണപക്ഷം എതിർക്കപ്പെടേണ്ട തീരുമാനങ്ങള്‍ കൊണ്ടുവന്നാല്‍ എതിർക്കുമെന്നും കലാ രാജു പറഞ്ഞു.