തൃശ്ശൂര്: സംഗീത സംവിധായകന് ഗോപി സുന്ദറിന്റെ അമ്മ കൂര്ക്കഞ്ചേരി അജന്ത അപ്പാര്ട്ട്മെന്റ്സില് ലിവി സുരേഷ് ബാബു(65) അന്തരിച്ചു. ഭര്ത്താവ്: സുരേഷ് ബാബു. മക്കള്: ഗോപി സുന്ദര് (സംഗീത സംവിധായകന്), ശ്രീ(മുംബൈ). മരുമക്കള്: പ്രിയ ഗോപി സുന്ദര്, ശ്രീകുമാര് പിള്ള (എയര്ഇന്ത്യ, മുംബൈ). സംസ്കാരം വ്യാഴാഴ്ച മൂന്നിന് വടൂക്കര ശ്മശാനത്തില്.
അമ്മയുടെ വിയോഗത്തില് വികാരനിര്ഭരമായ കുറിപ്പുമായി സംഗീത സംവിധായകന് ഗോപി സുന്ദര്. അമ്മ എല്ലായ്പ്പോഴും തന്റെ ശക്തിയും വഴികാട്ടിയുമാണെന്ന് ഗോപി സുന്ദര് ഫെയ്സ്ബുക്കില് കുറിച്ചു. അമ്മയ്ക്കൊപ്പമുള്ള ചിത്രം സഹിതമായിരുന്നു ഗോപിസുന്ദറിന്റെ ഫെയ്സ്ബുക്ക് പോസ്റ്റ്.
”അമ്മ, നിങ്ങള് എനിക്ക് ജീവിതവും സ്നേഹവും എന്റെ സ്വപ്നങ്ങളെ പിന്തുടരാനുള്ള ശക്തിയും നല്കി. ഞാന് സൃഷ്ടിക്കുന്ന എല്ലാ മ്യൂസിക് നോട്ടുകളിലും നിങ്ങള് എനിക്ക് പകര്ന്നുനല്കിയ സ്നേഹമുണ്ട്. നിങ്ങള് പോയിട്ടില്ല, എന്റെ ഹൃദയത്തിലും സംഗീതത്തിലും എന്റെ ഓരോചുവടുകളിലും നിങ്ങള് ജീവിക്കുന്നു. നിങ്ങളുടെ ആത്മാവിന്റെ ശാന്തിക്കായി ഞാന് ദൈവത്തോട് പ്രാര്ഥിക്കുകയാണ്. പക്ഷേ, നിങ്ങള് ഇപ്പോഴും എന്നോടൊപ്പമുണ്ടെന്നും എന്നെ നോക്കുന്നുണ്ടെന്നും എനിക്കറിയാം. നിങ്ങള് എല്ലായ്പ്പോഴും എന്റെ ശക്തിയും വഴികാട്ടിയുമാകും”, ഗോപിസുന്ദര് ഫെയ്സ്ബുക്കില് കുറിച്ചു.
Whatsapp Group 1 | Whatsapp Group 2 |Telegram Group