ഏറ്റുമാനൂർ എം സി റോഡിൽ തെള്ളകത്ത് വാഹനാപകടം ; നിയന്ത്രണം നഷ്ടപ്പെട്ട ബുള്ളറ്റ് വാഗണറിലും മിനി വാനിലും ഇടിച്ച് ഇടുക്കി സ്വദേശിയായ യുവാവിന് ദാരുണാന്ത്യം

കോട്ടയം: ഏറ്റുമാനൂർ എം സി റോഡിൽ തെള്ളകത്ത് വാഹനാപകടം. നിയന്ത്രണം നഷ്ടപ്പെട്ട ബുള്ളറ്റ് വാഗണറിലും മിനി വാനിലും ഇടിച്ച് ഇടുക്കി സ്വദേശിയായ യുവാവിന് ദാരുണാന്ത്യം.

ഇടുക്കി കോടികുളം വാഴപ്പറമ്പിൽ വി.ഒ മാത്യുവിന്റെ മകൻ അരുൺ മാത്യു (26) ആണ് മരിച്ചത്. വൈകുന്നേരം ആറരയോടെയാണ് അപകടമുണ്ടായത്.

ബുള്ളറ്റിന്റെ എതിർദിശയിൽ നിന്നും എത്തിയ വാഗണറിൽ ഇടിച്ച് നിയന്ത്രണം നഷ്ടമായി റോഡരികിൽ നിർത്തിയിട്ടിരുന്ന മറ്റൊരു പിക്കപ്പ് വാനിൽ ഇടിയ്ക്കുകയായിരുന്നു.

യുവാവിനെ കോട്ടയം മെഡിക്കൽ കോളേജ് ആശുപത്രിയിൽ എത്തിച്ചെങ്കിലും മരണം സംഭവിച്ചു. സംഭവത്തിൽ ഏറ്റുമാനൂർ പൊലീസ് കേസെടുത്തു.