തിരുവനന്തപുരം: വീട് വയ്ക്കുന്നതിന് ഭൂമി തരംമാറ്റാനുള്ള അപേക്ഷകളില് അതിവേഗം തീരുമാനമുണ്ടാകണമെന്നും നിയമപരമായ തടസ്സങ്ങളുണ്ടെങ്കില് അപേക്ഷകരെ അറിയിക്കണമെന്നും മുഖ്യമന്ത്രി പിണറായി വിജയൻ
.തൈക്കാട് അതിഥി മന്ദിരത്തില് രണ്ട് ദിവസമായി ചേർന്ന ജില്ലാ കളക്ടർമാരുടെയും വകുപ്പ് മേധാവികളുടെയും വാർഷിക സമ്മേളനത്തിന്റെ സമാപനത്തില് സംസാരിക്കുകയായിരുന്നു മുഖ്യമന്ത്രി.
നഗര പരിധിയില് 5 സെന്റിലും ഗ്രാമങ്ങളില് 10 സെന്റിലും വീട് വയ്ക്കുന്നതിന് അപേക്ഷ നല്കിയാല് ആവശ്യമായ പരിശോധനകള് വേഗത്തില് പൂർത്തിയാക്കി അനുവാദം നല്കണം. നെല്വയല് നിയമം വരുന്നതിനു മുൻപ് പുരയിടമായി പരിവര്ത്തിക്കപ്പെട്ട ഭൂമി
തരംമാറ്റുന്നതിന് സാങ്കേതിക തടസ്സങ്ങള് ഒഴിവാക്കണം. 25 സെന്റ് വരെയുള്ള ഭൂമി തരംമാറ്റത്തിന് ഫീസില്ലാത്തതിനാല് വേഗത്തില് നടപടി സ്വീകരിക്കണം. ഇക്കാര്യങ്ങളില് കൃഷി, റവന്യു വകുപ്പുകളുമായി ഏകോപനമുണ്ടാവണമെന്നും മുഖ്യമന്ത്രി പറഞ്ഞു.
Whatsapp Group 1 | Whatsapp Group 2 |Telegram Group
ഡിസ്ട്രിക്ട് മൈനിങ് ഫണ്ട് ഉപയോഗപ്പെടുത്തി ഇൻസ്റ്റിറ്റ്യൂട്ട് ഫോർ ക്ലൈമറ്റ് ചേഞ്ച് സ്റ്റഡീസ് മുഖേന ജില്ലാതലത്തില് കാലാവസ്ഥാ പ്രതിരോധ പ്രവർത്തനങ്ങള് നടപ്പിലാക്കണം. അപ്രതീക്ഷിത കാലാവസ്ഥാ വ്യതിയാനങ്ങള് പ്രവചിക്കുന്ന നൂതന ഉപകരണങ്ങള് സ്ഥാപിക്കുന്നത് ഉള്പ്പടെയുള്ളവ ഈ ഫണ്ടിലൂടെ സ്ഥാപിക്കാനാകണം.
സംസ്ഥാനത്തിന്റെ വിവിധ ഭാഗങ്ങളില് ഉപയോഗിക്കാതെ കിടക്കുന്ന കെട്ടിടങ്ങളുടെ വിവരങ്ങള് സമാഹരിച്ച് തദ്ദേശ സ്വയംഭരണ വകുപ്പ് സെക്രട്ടറിക്ക് റിപ്പോർട്ട് ചെയ്യണം. വിവിധ നിർമ്മാണ പദ്ധതികള്, റോഡ്, റെയില്വേ ഭൂമി ഏറ്റെടുക്കല് വേഗത്തിലാക്കണം. സർവ്വേയർ
ക്ഷാമത്തിന് പരിഹാരം കാണാന് ആവശ്യമെങ്കില് വിരമിച്ച ഉദ്യോഗസ്ഥരുടെ സേവനം തേടണം. ദേശീയപാതാ വികസനത്തിന് തടസ്സങ്ങള് ഉണ്ടാകാതെ നടപടികള് വേഗത്തിലാക്കണമെന്ന് മുഖ്യമന്തി പറഞ്ഞു.
