ഒഴിവായത് വൻ ദുരന്തം : ഈരാറ്റുപേട്ട –  വാഗമൺ റോഡിൽ വലിയ പാറകഷ്ണം അടർന്നു വീണു ; അപകട സമയം റോഡിൽ വാഹനങ്ങൾ ഇല്ലാതിരുന്നത് ആശ്വാസമായി

ഈരാറ്റുപേട്ട: വാഗമൺ റോഡിൽ തീക്കോയി പഞ്ചായത്തിലെ കാരികാട് ടോപ്പിന് താഴെ കുറ്റിയാലപ്പുഴ റിസോർട്ടിന് സമീപം റോഡിൻ്റെ മുകൾവശത്തു നിന്നും വലിയ പാറ കക്ഷണം റോഡിലേക്ക് അടർന്നു വീണു.

ആ സമയത്ത് വാഹനങ്ങൾ ഒന്നും റോഡിൽ ഇല്ലായിരുന്നതിനാൽ വലിയ അപകടം ഒഴിവായി.

കൂറ്റൻ പാറ റോഡിൽ പതിച്ച് പലകഷണങ്ങളായി ചിന്നിചിതറി ഗതാഗത തടസ്സം നേരിട്ടു. നാട്ടുകാരുടെ ശ്രമഫലമായി ഗതാഗതം പുനസ്ഥാപിച്ചു.

തീക്കോയി പഞ്ചായത്ത് വാർഡ് മെമ്പർ മോഹൻ കുട്ടപ്പന്റെ നേതൃത്വത്തിൽ നാട്ടുകാരുടെ ശ്രമഫലമായി ജെ.സി.ബി ഉപയോഗിച്ചു റോഡിൽ നിന്നും കല്ലുകൾ നീക്കുകയും ഗതാഗതം പുനസ്ഥാപിക്കുകയും ചെയ്തു.