പോലീസിൻ്റെ അനുമതി ഇല്ലാതെ പ്രതിഷേധം സംഘടിപ്പിച്ചു ; നടി ഖുഷ്ബു അറസ്റ്റിൽ

ചെന്നൈ : അണ്ണാ സർവകലാശാലയിലെ പീഡനത്തില്‍ പ്രതിഷേധിച്ചതിന് പിന്നാലെ തമിഴ്‌നാട് ബിജെപി വനിതാ നേതാവും നടിയുമായ ഖുശ്‌ബു സുന്ദറിനെ പോലീസ് അറസ്റ്റ് ചെയ്തു.

പോലീസിൻ്റെ അനുമതി ഇല്ലാതെയായിരുന്നു പ്രതിഷേധം നടത്തിയത് എന്ന് ചൂണ്ടികാട്ടിയാണ് അറസ്റ്റ് ചെയ്തത്. പ്രതിഷേധവുമായി ബന്ധപ്പെട്ട് നിരവധി നേതാക്കളെ പോലീസ് കസ്റ്റഡിയിലെടുത്തു.

ഡിസംബർ 23 നാണ് അണ്ണാ സർവകലാശാല ക്യാമ്ബസില്‍ രണ്ടാം വർഷ എൻജിനീയറിങ് വിദ്യാർത്ഥിനി ബലാത്സംഗത്തിനിരയായത്. ഒപ്പമുണ്ടായിരുന്ന സുഹൃത്തിനെ മർദിച്ച്‌ അവശനാക്കിയതിന് ശേഷമായിരുന്നു ക്രൂരപീഡനം. സംഭവത്തില്‍ കോട്ടുപുരം സ്വദേശി ജ്ഞാനശേഖര(37)നെ പോലീസ് അറസ്റ്റ് ചെയ്തിരുന്നു.

ക്യാമ്ബസിനുള്ളിലെയും സമീപത്തെയും മുപ്പതോളം സിസിടിവികള്‍ പരിശോധിച്ചതിന് ശേഷമാണ് പോലീസ് പ്രതിയിലേക്കെത്തിയത്.