കോട്ടയം : സംസ്ഥാനത്ത് ഇന്ന് സ്വർണവില കുറഞ്ഞു. ഇന്ന് 320 രൂപയോളം കുറഞ്ഞു. രണ്ട് ദിവസങ്ങള്ക്ക് ശേഷമാണ് സ്വർണവില കുറഞ്ഞത്.
ഇതോടെ സ്വർണവില 57,000 ത്തിന് താഴെയെത്തി. ഒരു പവൻ സ്വർണത്തിന്റെ ഇന്നത്തെ വിപണി വില 56880 രൂപയാണ്.
ഇന്ന് ഒരു ഗ്രാം 22 കാരറ്റ് സ്വർണത്തിന്റെ വില 40 രൂപയാണ് കുറഞ്ഞത്. വിപണി വില 7110 രൂപയാണ്. ഒരു ഗ്രാം 18 കാരറ്റ് സ്വർണത്തിന്റെ വില 30 രൂപയാണ് കുറഞ്ഞത്. വിപണിവില 5875 രൂപയാണ്. വെള്ളിയുടെ വിലയും കുറഞ്ഞിട്ടുണ്ട്. രണ്ട് രൂപയാണ് ഇന്ന് കുറഞ്ഞത്. ഒരു ഗ്രാം ഹാള്മാർക്ക് വെള്ളിയുടെ വില 93 രൂപയാണ്. പുതുവർഷം പടിവാതില്ക്കലെത്തി നില്ക്കേ പ്രതീക്ഷയോടെയാണ് ആഭരണപ്രേമികള് സ്വർണവിപണിയെ നോക്കിക്കാണുന്നത്.
Whatsapp Group 1 | Whatsapp Group 2 |Telegram Group
നവംബർ മാസത്തില് 14,16,17 തീയതികളില് ഈ മാസത്തെ ഏറ്റവും കുറഞ്ഞ നിരക്കിലായിരുന്നു സ്വർണം. ഒരു ഗ്രാം സ്വർണാഭരണം ലഭിക്കാൻ 6935 രൂപ നല്കിയാല് മതിയായിരുന്നു. നവംബർ 1ന് പവന് വില 59,080 രൂപയിലെത്തിയതാണ് സമീപ കാലത്തെ ഏറ്റവും ഉയർന്ന നിരക്ക്.
ഒക്ടോബറില് ആഭരണം വാങ്ങാൻ കാത്തിരിക്കുന്നവരെ മുള്മുനയില് നിർത്തിയിരുന്നു സ്വർണ വിപണി. 58,000 വും 59000 വും കടന്ന് 60000ത്തിന് തൊട്ടരികിലെത്തിയിരുന്നു.
