സാമ്പത്തിക തട്ടിപ്പിൽ ഉലഞ്ഞ് ഇന്ത്യ ; ഡിജിറ്റല്‍ അറസ്റ്റ് മുതല്‍ ഡീപ്ഫേക്ക് വീഡിയോ വരെ
ഡൽഹി:ഇന്ത്യയില്‍ സൈബർ തട്ടിപ്പുകള്‍ കുത്തനെ ഉയർന്ന വർഷമാണ് 2024. സാധാരണ ജനങ്ങള്‍ മുതല്‍ കോടീശ്വരന്മാർ വരെ ഈ തട്ടിപ്പുകൾക്ക് ഇരയായിട്ടുണ്ട്.2024-25 ആദ്യ പകുതിയില്‍ ബാങ്കിംഗ് തട്ടിപ്പുകളുടെ എണ്ണത്തില്‍ 27% വർദ്ധനവ് ഉണ്ടായതായി റിസർവ് ബാങ്ക് പറയുന്നു.
മാത്രമല്ല, ഇങ്ങനെ തട്ടിപ്പിലൂടെ നഷ്ടമായ മൊത്തം പണം ഏകദേശം എട്ട് മടങ്ങ് വർദ്ധിച്ച്‌ 21367 കോടി രൂപയിലേക്കെത്തി. ഈ വർഷം ഇന്ത്യയില്‍ കൂടുതലും കണ്ടുവരുന്ന 5 തരത്തിൽ ഉള്ള സാമ്പത്തിക തട്ടിപ്പുകൾ ആണ്.
ആദ്യത്തെത് ഡിജിറ്റല്‍ അറസ്റ്റ് തട്ടിപ്പുകള്‍ ആണ്.ഫോണ്‍ കോള്‍ അല്ലെങ്കില്‍ വീഡിയോ കോളുകള്‍ വഴി ഇരകളെ വിളിച്ച്‌ നിയമപാലകരോ സർക്കാർ ഉദ്യോഗസ്ഥരോ ആയി വേഷമിട്ട് പണം തട്ടുന്നതാണ് ഇത്. ഇര കുറ്റവാളിയാണെന്ന് രീതിയില്‍ സംസാരിച്ച്‌ അറസ്റ്റ് ഒഴിവാക്കാൻ പണം കെട്ടിവെക്കണം എന്നാവശ്യപ്പെടുന്നു.
Whatsapp Group 1 | Whatsapp Group 2 |Telegram Group
അടുത്തതായി ഓഹരി വ്യാപാര തട്ടിപ്പുകളാണ് ഉയർന്ന വരുമാനം വാഗ്ദാനം ചെയ്യുന്ന ചില വ്യാജ പ്ലാറ്റ്‌ഫോമുകള്‍ നിക്ഷേപകരുടെ താല്പര്യത്തെ മുതലെടുത്ത് നടത്തുന്ന തട്ടിപ്പാണ് ഇത്. 2,28,094 പരാതികള്‍ ഇത്തരത്തിലുള്ള തട്ടിപ്പുകള്‍ക്കെതിരെ ലഭിച്ചിട്ടുണ്ട്. ഇരകള്‍ക്ക് 4,636 കോടി രൂപയുടെ നഷ്ടമാണ് ഉണ്ടായത് എന്നാണ് റിപ്പോർട്ട്.
പിന്നീട് ഉണ്ടായത് ഡീപ്ഫേക്ക് അഴിമതികളാണ്. ആർട്ടിഫിഷ്യല്‍ ഇൻ്റലിജൻസിൻ്റെ പുരോഗതിയോടെ, ഉണ്ടായ ഒരു തട്ടിപ്പ് രീതിയാണ് ഇത്. ഉന്നത വ്യക്തികളുടെ പേരില്‍ ആള്‍മാറാട്ടം നടത്തി പണം തട്ടുന്ന രീതിയാണ് ഇത്. ഡീപ് ഫേക്ക് വീഡിയോകള്‍ യഥാർത്ഥ വീഡിയോയുമായി അടുത്ത് നില്‍ക്കുന്നതിനാല്‍ ആളുകള്‍ പെട്ടന്ന് തെറ്റിദ്ധരിക്കപ്പെടും.ഇത് ഈ രീതിയിലുള്ള തട്ടിപ്പ് കൂടാൻ കാരണമായി.
അത് പോലെ നടന്ന മറ്റൊരു തട്ടിപ്പ് രീതി ആണ് സിം ക്ലോഷർ തട്ടിപ്പ്.കെവൈസി പ്രശനങ്ങള്‍ പറഞ്ഞ് സിം കാർഡുകള്‍ ഉടൻ ഡിആക്ടിവേറ്റ് ചെയ്യുമെന്ന് പറഞ്ഞുകൊണ്ട് ടെലികോം റെഗുലേറ്ററി അതോറിറ്റി ഓഫ് ഇന്ത്യയുടെ പേരില്‍ വ്യാജ സന്ദേശങ്ങളോ കോളുകളോ ചെയ്ത് പണം തട്ടുന്ന രീതിയാണ് ഇത്. ഇരകളില്‍ നിന്ന് ബാങ്ക് വിവരങ്ങളോ പണമോ ആവശ്യപ്പെടും. ഇതിനെതിരെ ഉപയോക്താക്കള്‍ക്ക് ട്രായ് മുന്നറിയിപ്പ് നല്‍കിയിട്ടുണ്ട്.
മറ്റൊരു രീതി ക്യൂആർ കോഡ് അഴിമതികള്‍ ആണ്. വ്യാജ ക്യൂആർ കോഡുകള്‍ നല്‍കുന്ന തട്ടിപ്പ് രീതിയാണ് ഇത്. വ്യാജ വെബ്‌സൈറ്റുകളിലേക്ക് റീഡയറക്‌ടുചെയ്യാനോ സ്കാനിംഗില്‍ അനധികൃത ഇടപാടുകള്‍ നടത്താനോ ഇതിലൂടെ കഴിയും.
