ആലപ്പുഴ: ആലപ്പുഴ കളർകോട് വാഹനാപകടത്തിൽ വാഹന ഉടമയെ ചോദ്യം ചെയ്യാൻ മോട്ടോർ വാഹന വകുപ്പ്. വണ്ടാനം മെഡിക്കൽ കോളേജ് വിദ്യാർത്ഥികൾ ഉപയോഗിച്ച വാഹനം സ്വകാര്യ വ്യക്തിയുടേതാണ്. എന്നാൽ വാഹനം വാടകക്ക് നൽകാനുള്ള ലൈസൻസ് വാഹന ഉടമയ്ക്ക് ഇല്ല. വിദ്യാർത്ഥികൾക്ക് കാർ വാടകയ്ക്ക് നൽകിയതാണോ എന്ന കാര്യം പരിശോധിക്കുമെന്നും മോട്ടോർ വാഹന വകുപ്പ് അറിയിച്ചു.
നിലവില് കാര് ഉടമയുടെ ഫോണ് സ്വിച്ച് ഓഫ് ചെയ്ത നിലയിലാണുള്ളത്. കാർ ഉടമയെ ഉടൻ ചോദ്യം ചെയ്യാനാണ് തീരുമാനം. 2010 രജിസ്ട്രേഷനാണ് വാഹനം. വാഹനത്തിന്റെ പേപ്പറുകളുടെ കാര്യത്തില് വ്യക്തത വരുത്തേണ്ടതുണ്ട്. റെന്റ് എ കാര് അല്ലെങ്കില് റെന്റ് എ കാബ് എന്ന തരത്തിലുള്ള ലൈസന്സ് വാഹനത്തിനില്ല എന്നാണ് കണ്ടെത്തിയിരിക്കുന്നത്. അതുകൊണ്ട് ഏത് സാഹചര്യത്തിലാണ് വിദ്യാര്ത്ഥികള്ക്ക് വാഹനം നല്കിയതെന്ന കാര്യം കാര് ഉടമ വ്യക്തമാക്കേണ്ടി വരും.
നിലവിൽ കെഎസ്ആര്ടിസി ബസിന്റെ ഡ്രൈവറുടെയും കണ്ടക്ടറുടെയും മൊഴി രേഖപ്പെടുത്തിയിട്ടുണ്ട്. കാർ ഓടിച്ചയാളുടെ മൊഴിയും രേഖപ്പെടുത്തേണ്ടതുണ്ട്. അപകടത്തിൽ ഗുരുതരമായി പരിക്കേറ്റ രണ്ടു വിദ്യാർത്ഥികൾ ആശുപത്രിയിൽ ചികിത്സയിൽ.
Whatsapp Group 1 | Whatsapp Group 2 |Telegram Group