കരുനാഗപ്പള്ളി: സിപിഎം കുലശേഖരപുരം ലോക്കൽ സമ്മേളനത്തിലെ സംഘർഷത്തിന് പിന്നാലെ കരുനാഗപ്പള്ളിയിൽ സിപിഎം വിമതരുടെ പ്രതിഷേധ പ്രകടനം. തൊടിയൂർ, ആലപ്പാട്, കുലശേഖരപുരം സൗത്ത് ഉൾപ്പടെ അഞ്ച് ലോക്കൽ കമ്മറ്റിയിൽ നിന്നുള്ള പ്രവർത്തകരാണ് പ്രതിഷേധവുമായി രംഗത്തെത്തിയത്.
സമ്മേളനത്തിൽ പുതിയ നേതൃ പാനൽ അവതരിപ്പിച്ചതിലെ എതിർപ്പാണ് പ്രതിഷേധത്തിനിടയാക്കിയത്. പി.ഉണ്ണി മാറിയപ്പോൾ എച്ച്എ സലാം സെക്രട്ടറിയായത് ഗോവിന്ദച്ചാമിക്ക് പകരം അമീറുൽ ഇസ്ലാം വന്നതിന് സമമാണെന്ന പ്ലക്കാർഡുകളുമേന്തിയാണ് പ്രവർത്തകർ നിരത്തിൽ ഇറങ്ങിയത്. സിപിഎം ജില്ലാ കമ്മറ്റി അംഗമായ പിആർ വസന്തിനെതിരെയും പ്ലക്കാർഡുകളുണ്ട്.
അഴിമതിക്കാരായവരെ പാർട്ടിയുടെ നേതൃത്വത്തിൽ നിന്ന് മാറ്റണമെന്ന ആവശ്യമുയർത്തിയാണ് പ്രതിഷേധം. പുതിയ നേതൃനിരയിലുള്ളവർക്കെതിരെ നിരവധി പരാതികൾ നേതൃത്വത്തിന് നൽകിയിരുന്നുവെങ്കിലും അത് ചെവികൊണ്ടില്ലെന്നും എകപക്ഷീയ തീരുമാനമാണുണ്ടായതെന്നും പ്രതിഷേധക്കാർ ആരോപിക്കുന്നു.
Whatsapp Group 1 | Whatsapp Group 2 |Telegram Group