തിരുവനന്തപുരം: വര കടന്നുള്ള വാഹനമോടിക്കല്‍ തടയുന്നതിനുള്ള പുതിയ നിയമവുമായി മോട്ടോർ വാഹനവകുപ്പ്. റോഡില്‍ ട്രാഫിക് ലെയിൻ തെറ്റിച്ച്‌ വാഹനമോടിക്കുന്നവർക്ക് പിഴ ചുമത്തുമെന്നാണ് മുന്നറിയിപ്പ്.
റോഡില്‍ ലെയിൻ ട്രാഫിക് തെറ്റിച്ച്‌ വാഹനമോടിക്കുന്നതുമൂലം അപകടങ്ങള്‍ വർധിക്കുന്ന സാഹചര്യത്തിലാണ് മോട്ടോർ വാഹനവകുപ്പിന്റെ പുതിയ തീരുമാനം. ഇതിനായി മോട്ടോർ വാഹന വകുപ്പിന്റെ വാഹനങ്ങളില്‍ ഡാഷ്ബോർഡ് ക്യാമറകള്‍ സ്ഥാപിക്കും.
ഇതിനായി ഗതാഗത കമ്മീഷണർ നിർദേശം നല്‍കിയിട്ടുണ്ട്. ഇതിന് പുറമെ, പാലക്കാട്-തൃശൂർ മേഖലയില്‍ രാത്രികാല ഗതാഗത പരിശോധന കർശനമാക്കും.
Whatsapp Group 1 | Whatsapp Group 2 |Telegram Group
ക്യാമറ ഇല്ലെന്ന് കരുതി നിയമം ലംഘിച്ച്‌ വാഹനമോടിക്കുന്നവരെ പിടികൂടാനായി ഡ്രോണ്‍ ക്യാമറ ഉപയോഗിച്ച്‌ വാഹനങ്ങളെ നിരീക്ഷിക്കുന്നതിനുള്ള ആശയവും ഗതാഗത കമീഷണർ മുന്നോട്ടുവെച്ചിട്ടുണ്ട്.
ഓടുന്ന വാഹനങ്ങളിലെ നിയമലംഘനങ്ങള്‍ തത്സമയം പിടികൂടുന്നതാണ് പുതിയ എൻഫോഴ്സ്മെന്‍റ് നയമെന്നും മോട്ടോർ വാഹനവകുപ്പ് പറഞ്ഞു.
