വീടിന്റെ ഒന്നാംനിലയില്‍ നിന്ന് റോഡിലേക്ക് വീണു ; തിരുവല്ലയില്‍ 36കാരന് ദാരുണാന്ത്യം ; മരണകാരണമായത് യുവാവിന്റെ തലയ്ക്കേറ്റ പരിക്ക്

സ്വന്തം ലേഖകൻ

തിരുവല്ല : വീടിന്റെ ഒന്നാംനിലയിലെ വരാന്തയില്‍ നിന്ന് വീണ് യുവാവ് മരിച്ചു. പടിഞ്ഞാറെ വെണ്‍പാല കാരാത്ര അഞ്ചുപറയില്‍ ശശിധരന്റെ മകൻ സുധീഷ്.എ.എസ് (36) ആണ് മരിച്ചത്.

ഞായറാഴ്ച രാത്രി 10.45ന് ആയിരുന്നു സംഭവം. പ്രദേശവാസികള്‍ ഉ‌ടനെ തിരുവല്ല താലൂക്ക് ആശുപത്രിയില്‍ എത്തിച്ചെങ്കിലും രക്ഷിക്കാനായില്ല.

ഉയരം കുറഞ്ഞ അരഭിത്തിയുടെ മുകളിലൂടെ സമീപത്തെ ടാർ റോഡിലേക്ക് വീണ യുവാവിന്റെ തലയ്ക്കേറ്റ പരിക്കാണ് മരണകാരണമായത്. പുളിക്കീഴ് പൊലീസ് എത്തി പരിശോധന നടത്തി. പോസ്റ്റുമോർട്ടത്തിന് ശേഷം മൃതദേഹം ബന്ധുക്കള്‍ക്ക് കൈമാറി. അവിവാഹിതനാണ്.