പിഡിപി നേതാവ് അബ്ദുൾ നാസിർ മഅദനിയുടെ വീട്ടിൽ മോഷണം; കിടപ്പുമുറിയിലെ അലമാരയിൽ സൂക്ഷിച്ച 37 ഗ്രാം സ്വർണാഭരണങ്ങളും 7500 രൂപയും കവർന്നു; സംഭവത്തിൽ തിരുവനന്തപുരം സ്വദേശി പിടിയിൽ

കൊച്ചി: പിഡിപി നേതാവ് അബ്ദുൾ നാസിർ മഅദനിയുടെ കൊച്ചിയിലെ വീട്ടിൽ മോഷണം.

വീട്ടിലെ കിടപ്പുമുറിയിലെ അലമാരയിൽ സൂക്ഷിച്ച 37 ഗ്രാം സ്വർണാഭരണങ്ങളും 7500 രൂപയും കവർന്നു. കേസിൽ ഒരാൾ പോലീസ് പിടിയിൽ.

മഅദനിയുടെ മകൻ സലാഹുദ്ദീൻ അയ്യൂബിയുടെ പരാതിയിലാണ്​ തിങ്കളാഴ്ച തിരുവനന്തപുരം സ്വദേശി റംഷാദിനെ എളമക്കര പൊലീസ് കസ്റ്റഡിയിലെടുത്തത്​.

എളമക്കര പോലീസ് വീട്ടിലെയും സമീപ പ്രദേശങ്ങളിലെയും സി.സി ടി.വി ക്യാമറകൾ പരിശോധിച്ചാണ്​ റംഷാദിനെ കസ്റ്റഡിയിലെടുത്തത്​. പ്രതിയെ ചോദ്യം ചെയ്തുവരുകയാണെന്ന് എളമക്കര പോലീസ് പറഞ്ഞു.