മുണ്ടക്കയം കുമളി റോഡിൽ കുട്ടിക്കാനത്തിന് സമീപം വളഞ്ഞാങ്ങാനത്ത് ലോറി മറിഞ്ഞ് അപകടം ; ഗതാഗതം സ്തംഭിച്ചു, ലോറി നടുറോഡിൽ

കുട്ടിക്കാനം : മുണ്ടക്കയം കുമളി റോഡിൽ കുട്ടിക്കാനത്തിന് സമീപം വളഞ്ഞാങ്ങാനത്ത് ലോറി മറിഞ്ഞ് അപകടം.

കെഎൽ 07 സിഎൽ 7132 നമ്പർ ലോറിയാണ്  വളഞ്ഞങ്ങാനം വെള്ളച്ചാട്ടത്തിന് സമീത്ത് നിന്നും താഴെ റോഡിലേക്കാണ് വീണത്.

അപകട സമയത്ത് ലോറിക്ക് ഉള്ളിൽ ഡ്രൈവർ മാത്രമെ ഉണ്ടായിരുന്നുള്ളൂ, ലോറി വെട്ടിപ്പൊളിച്ചാണ് ഡ്രൈവറെ പുറത്ത് എത്തിച്ചത് ,ഡ്രൈവറുടെ പരുക്ക് ഗുരുതരമല്ല. ലോറി റോഡിൽ കിടക്കുന്നതിനാൽ പ്രദേശത്ത് ഗതാഗതം സ്തംഭിച്ചു. ഫുൾ ലോഡ് ചണം ചാക്കുമായി വന്ന ലോറിയാണ് അപകടത്തിൽ പെട്ടത്.അപകടകാരണം വ്യക്തമല്ല.

ലോറി എത്രയും പെട്ടെന്ന് തന്നെ റോഡിൽ നിന്ന് മാറ്റി ഗതാഗതം പുനസ്ഥാപിക്കാനുള്ള നടപടികൾ ആരംഭിച്ചു.