തിരുവനന്തപുരം: കേന്ദ്രമന്ത്രി സുരേഷ് ഗോപിയുടെ നടപടികളില്‍ പ്രതിഷേധിച്ച് കേരള പത്രപ്രവര്‍ത്തക യൂണിയന്‍ (കെ.യു.ഡബ്ല്യു.ജെ).
മാധ്യമപ്രവര്‍ത്തകരെ നിരന്തരം അവഹേളിക്കുന്ന നടപടിയിൽ പ്രതിഷേധിച്ചാണ് തിരുവനന്തപുരം ജില്ലാ കമ്മിറ്റിയുടെ നേതൃത്വത്തിലാണ് മാര്‍ച്ചും ധര്‍ണയും നടത്തിയത്. പുളിമൂട് കേസരി മന്ദിരത്തിനു മുന്നില്‍ നിന്ന് ആരംഭിച്ച പ്രതിഷേധ മാര്‍ച്ച് സെക്രട്ടേറിയറ്റ് ചുറ്റി ജനറല്‍ പോസ്റ്റ് ഓഫിസിനു മുന്നില്‍ സമാപിച്ചു.
ധര്‍ണ സംസ്ഥാന സെക്രട്ടറി ബി.അഭിജിത്ത് ഉദ്ഘാടനം ചെയ്തു. ജില്ലാ പ്രസിഡന്റ് ഷില്ലര്‍ സ്റ്റീഫന്‍ അധ്യക്ഷത വഹിച്ചു. മുന്‍ സംസ്ഥാന ജനറല്‍ സെക്രട്ടറി ആര്‍. കിരണ്‍ ബാബു, സംസ്ഥാന വൈസ് പ്രസിഡന്റ് കൃപ പി.എം., സംസ്ഥാന കമ്മിറ്റി അംഗം, ഷീജ.എസ്., ജില്ലാ സെക്രട്ടറി അനുപമ ജി. നായര്‍, അലക്‌സ് റാം മുഹമ്മദ് എന്നിവര്‍ പ്രസംഗിച്ചു.
Whatsapp Group 1 | Whatsapp Group 2 |Telegram Group
സംസ്ഥാന കമ്മിറ്റി അംഗങ്ങളായ പ്രജീഷ് കൈപ്പള്ളി, ലേഖാരാജ് എം.ആർ, ബൈജു ടി.എം , ജില്ലാ വൈസ് പ്രസിഡന്റ് ഒ.രതി, കമ്മിറ്റി അംഗങ്ങളായ ഷൈജു ചാവശ്ശേരി , മഹേഷ് ബാബു, ശരത് കുമാര്‍. എസ്, ഭാഗ്യരാജ്. എസ്, അരുണ്‍ സി. എസ് തുടങ്ങിയവര്‍ നേതൃത്വം നല്‍കി.
