പുല്ല് വെട്ടുന്നതിനിടെ തേനീച്ച ആക്രമിച്ചു ; പാലക്കാട് മധ്യവയസ്കന് ദാരുണാന്ത്യം

പാലക്കാട് : കൊടുവായൂരില്‍ തേനീച്ചയുടെ കുത്തേറ്റ് 52കാരൻ മരിച്ചു. പെരുവെമ്പ് വാഴക്കോട് ചന്ദ്രൻ ആണ് മരിച്ചത്.

കൊടുവായൂർ കൈലാസ് നഗറില്‍ ഇന്ന് ഉച്ചയ്ക്ക് പന്ത്രണ്ട് മണിയോടെയാണ് അപകടം ഉണ്ടായത്.

യന്ത്രം ഉപയോഗിച്ച്‌ പുല്ലു വെട്ടുന്നതിനിടെ ഇയാള്‍ക്ക് തേനീച്ചയില്‍ നിന്നും കുത്തേല്‍ക്കുകയായിരുന്നു. പുല്ലിനിടെ ഉണ്ടായിരുന്ന തേനീച്ച കൂട്ടമാണ് ചന്ദ്രനെ ആക്രമിച്ചത്.

കുത്തേറ്റ ഉടൻ തന്നെ ഇയാളെ നാട്ടുകാരും ബന്ധുക്കളും ചേർന്ന് പാലക്കാട് ജില്ലാ ആശുപത്രിയില്‍ എത്തിച്ചെങ്കിലും ജീവൻ രക്ഷിക്കാൻ കഴിഞ്ഞില്ല.