ട്രെയിനിൽ നിന്ന് വീണ് യുവതി മരിച്ചു: കുടുംബത്തോടൊപ്പം സഞ്ചരിക്കവേ അബദ്ധത്തിൽ കാൽവഴുതി ട്രാക്കിലേക്ക് വീണു

കോഴിക്കോട്: കോഴിക്കോട് പയ്യോളിയിൽ ട്രെയിനിൽ നിന്ന് വീണ് യുവതി മരിച്ചു. മലപ്പുറം സ്വദേശി ജിൻസി (26) ആണ് മരിച്ചത്.

കണ്ണൂർ ഭാഗത്ത് നിന്നും വരികയായിരുന്ന ജിൻസി അബദ്ധത്തില്‍ ട്രെയിനിൽ നിന്ന് താഴേക്ക് വീഴുകയായിരുന്നു. ഇന്ന് രാവിലെ 6 മണിയോടെയാണ് മൂരട് റെയില്‍വേ ഗേറ്റിന് സമീപമാണ് അപകടമുണ്ടായത്. കുടുംബത്തോടൊപ്പം ആണ് ജിൻസി ട്രെയിനിൽ സഞ്ചരിച്ചത്.