തേർഡ് ഐ ന്യൂസ് ലൈവ് എറണാകുളം ജില്ലാ ബ്യൂറോ പാലാരിവട്ടത്ത് പ്രവർത്തനം ആരംഭിച്ചു

എറണാകുളം : തേർഡ് ഐ ന്യൂസ് ലൈവ് എറണാകുളം ജില്ലാ ബ്യൂറോ പാലാരിവട്ടത്ത് പ്രീമിയർ ടവറിൽ പ്രവർത്തനം ആരംഭിച്ചു.

രാവിലെ തേർഡ് ഐ ന്യൂസ് ജീവനക്കാർ ചേർന്ന് ഭദ്രദീപം കൊളുത്തിയാണ് ഉദ്ഘാടനം നിർവഹിച്ചത്.

തേർഡ് ഐ ന്യൂസിൻ്റെ പ്രവർത്തനം വ്യാപിപ്പിക്കുന്നതിന്റെ ഭാഗമായാണ് എറണാകുളം ബ്യൂറോ ആരംഭിച്ചത്. താമസിയാതെ കോഴിക്കോട്, തിരുവനന്തപുരം ബ്യൂറോകളും ആരംഭിക്കും.

വാർത്തകൾ ഏറ്റവും വേഗത്തിൽ തത്സമയം വായനക്കാരിൽ എത്തിക്കുന്നതിനുള്ള ആധുനിക സാങ്കേതിക സംവിധാനങ്ങൾ ഉൾപ്പെടെ ഓഫീസിൽ പ്രവർത്തന സജ്ജമാണ്.

കഴിഞ്ഞ മാർച്ച് 3-നാണ് കോട്ടയത്തെ പുതിയ ഓഫീസ് സഹകരണ, തുറമുഖ ദേവസ്വം മന്ത്രി വി.എൻ. വാസവൻ ഉദ്ഘാടനം ചെയ്തത്. കോട്ടയത്ത് ശാസ്ത്രീ റോഡിൽ എക്സൽ ബിൽഡിംഗിലാണ് തേർഡ് ഐ യുടെ അഡ്മിനിസ്ട്രേഷൻ ഓഫീസ് പ്രവർത്തിക്കുന്നത്

നഗരസഭാ ചെയർ പേഴ്സൺ ബിൻസി സെബാസ്റ്റ്യൻ, ‘വിവിധ രാഷ്ട്രീയ നേതാക്കളായ ജോസ് കെ.മാണി എം പി, തിരുവഞ്ചൂർ രാധാകൃഷ്ണൻ എംഎൽഎ, അഡ്വ.കെ. അനിൽ കുമാർ , മുൻ എംപി തോമസ് ചാഴികാടൻ തുടങ്ങിയവർ അഡ്മിനിസ്ട്രേഷൻ ഓഫീസിൻ്റെ ഉദ്ഘാടന സമ്മേളനത്തിൽ പങ്കെടുത്തിരുന്നു.

എന്നാൽ എറണാകുളം ഓഫീസ് ജീവനക്കാർ ചേർന്ന് ഉദ്ഘാടനം നിർവഹിച്ചാൽ മതിയെന്ന് ചീഫ് എഡിറ്റർ എ.കെ.ശ്രീകുമാർ നിർദേശിച്ചു. ഇതനുസരിച്ചാണ് എറണാകുളം ബ്യൂറോ ജീവനക്കാർ ചേർന്ന് രാവിലെ ഉദ്ഘാടനം ചെയ്തത്.