ഗെ​യിം​സും അ​ത്‍ല​റ്റി​ക്സും ഒ​രു​മി​ച്ച് ചേ​രു​ന്ന കൗ​മാ​ര കാ​യി​ക മാ​മാ​ങ്ക​ത്തി​ന് ഇ​ന്ന് കൊ​ച്ചി​യി​ൽ തു​ട​ക്കം; ‘കേ​ര​ള സ്കൂ​ൾ കാ​യി​ക​മേ​ള കൊ​ച്ചി 24’ന് ഇന്ന് വിസിൽ മുഴങ്ങും; ഇത്തവണ ഏ​റ്റ​വും കൂ​ടു​ത​ൽ പോ​യി​ന്റ് നേ​ടു​ന്ന ജി​ല്ല​ക്ക് മു​ഖ്യ​മ​ന്ത്രി​യു​ടെ പേ​രി​ലു​ള്ള എ​വ​ർ​റോ​ളി​ങ് ട്രോ​ഫിയും സ്വന്തം

കൊ​ച്ചി: വ​ർ​ഷ​ങ്ങ​ൾ​ക്ക് ശേ​ഷം ഗെ​യിം​സും അ​ത്‍ല​റ്റി​ക്സും ഒ​രു​മി​ച്ച് ചേ​രു​ന്ന കൗ​മാ​ര കാ​യി​ക മാ​മാ​ങ്ക​ത്തി​ന് ഇ​ന്ന് കൊ​ച്ചി​യി​ൽ തു​ട​ക്കം. ഭി​ന്ന​ശേ​ഷി​ക്കാ​രും ഗ​ൾ​ഫ് രാ​ജ്യ​ങ്ങ​ളി​ൽ നി​ന്നു​മു​ള്ള കാ​യി​ക താ​ര​ങ്ങ​ളു​മു​ൾ​പ്പെ​ടെ പ​തി​നാ​യി​ര​ക്ക​ണ​ക്കി​ന് താ​ര​ങ്ങ​ൾ മാ​റ്റു​ര​ക്കു​ന്ന ഒ​ളി​മ്പി​ക്സ് മാ​തൃ​ക​യി​ലു​ള്ള ‘കേ​ര​ള സ്കൂ​ൾ കാ​യി​ക​മേ​ള കൊ​ച്ചി 24’നാ​ണ് തി​ങ്ക​ളാ​ഴ്ച വി​സി​ൽ മു​ഴ​ങ്ങു​ന്ന​ത്.

വൈ​കീ​ട്ട് നാ​ലി​ന് എ​റ​ണാ​കു​ളം മ​ഹാ​രാ​ജാ​സ് കോ​ള​ജ് സ്റ്റേ​ഡി​യ​ത്തി​ൽ പൊ​തു​വി​ദ്യാ​ഭ്യാ​സ മ​ന്ത്രി വി. ​ശി​വ​ൻ​കു​ട്ടി ചടങ്ങ് ഉ​ദ്ഘാ​ട​നം ചെ​യ്യും. വ​ർ​ണാ​ഭ​മാ​യ ക​ലാ​പ​രി​പാ​ടി​ക​ളും ഇ​തോ​ട​നു​ബ​ന്ധി​ച്ച് അ​ര​ങ്ങേ​റും. വി​വി​ധ ജി​ല്ല​ക​ളി​ലൂ​ടെ ക​ട​ന്നു​വ​ന്ന ദീ​പ​ശി​ഖ പ്ര​യാ​ണ​വും ട്രോ​ഫി പ​ര്യ​ട​ന​വും തി​ങ്ക​ളാ​ഴ്ച തൃ​പ്പൂ​ണി​ത്തു​റ​യി​ൽ ഒ​ത്തു​ചേ​ർ​ന്ന് സം​യു​ക്ത പ്ര​യാ​ണ​മാ​യി വേ​ദി​യി​ലേ​ക്കെ​ത്തും.

എ​റ​ണാ​കു​ളം മ​ഹാ​രാ​ജാ​സ് സ്റ്റേ​ഡി​യം ഉ​ൾ​പ്പെ​ടെ ജി​ല്ല​യി​ലെ 17 വേ​ദി​ക​ളി​ലാ​യി 24,000 മ​ത്സ​രാ​ർത്ഥിക​ൾ പ​ങ്കെ​ടു​ക്കു​ന്ന കാ​യി​ക മ​ത്സ​ര​ങ്ങ​ൾ​ക്ക് ചൊ​വ്വാ​ഴ്ച​യാ​ണ് തു​ട​ക്ക​മാ​വു​ക. 11ന് ​സ​മാ​പ​ന സ​മ്മേ​ള​ന​വും സ​മ്മാ​ന​ദാ​ന​ച്ച​ട​ങ്ങും മു​ഖ്യ​മ​ന്ത്രി പി​ണ​റാ​യി വി​ജ​യ​ൻ ഉ​ദ്ഘാ​ട​നം ചെ​യ്യും.

ച​രി​ത്ര​ത്തി​ലാ​ദ്യ​മാ​യി ഏ​റ്റ​വും കൂ​ടു​ത​ൽ പോ​യ​ന്റ് നേ​ടു​ന്ന ജി​ല്ല​ക്ക് മു​ഖ്യ​മ​ന്ത്രി​യു​ടെ പേ​രി​ലു​ള്ള എ​വ​ർ​റോ​ളി​ങ് ട്രോ​ഫി ന​ൽ​കു​മെ​ന്ന പ്ര​ത്യേ​ക​ത​യും ഇ​ത്ത​വ​ണ​ത്തെ കാ​യി​ക​മേ​ള​ക്കു​ണ്ട്. ഗ്ലാ​മ​ർ ഇ​ന​മാ​യ അ​ത്ല​റ്റി​ക്സ് ഈ ​മാ​സം ഏ​ഴി​ന് മ​ഹാ​രാ​ജാ​സ് ഗ്രൗ​ണ്ടി​ൽ ന​ട​ക്കും.