അമ്മ വഴക്കുപറഞ്ഞതിനെ തുടർന്ന് വീട്ടിൽ നിന്നും ഇറങ്ങിപ്പോയ 15 കാരനെ കണ്ടെത്തി; ബാംഗ്ലൂരിൽ നിന്ന് കണ്ടെത്തിയ കുട്ടിയെ ഇന്ന് രാവിലെ കായംകുളം പോലീസ് സ്റ്റേഷനിൽ എത്തിച്ചു

ആലപ്പുഴ: കായംകുളത്ത് നിന്ന് കാണാതായ 15 കാരനെ കണ്ടെത്തി. ബാംഗ്ലൂരിൽ നിന്നാണ് കുട്ടിയെ കണ്ടത്തെിയത്.

കുട്ടിയെ ഇന്നു രാവിലെ കായംകുളം പോലീസ് സ്റ്റേഷനിൽ എത്തിച്ചു. വീട്ടുകാർ വഴക്ക് പറഞ്ഞ വിഷമത്തിൽ വീട്ടിൽ നിന്നും പിണങ്ങി പോയതാണ് കുട്ടിയെന്നാണ് വിവരം.

വ്യാഴാഴ്ച വൈകുന്നേരം അഞ്ചുമണിയോടെയാണ് സംഭവം. അമ്മ വഴക്കുപറഞ്ഞപ്പോൾ കുട്ടി വീട്ടിൽ നിന്നും ഇറങ്ങിപ്പോവുകയായിരുന്നു.

വീട്ടുകാർ നടത്തിയ തെരച്ചിലിൽ കുട്ടിയുടെ സൈക്കിൾ കായംകുളം റെയിൽവേ സ്റ്റേഷനിൽ കണ്ടെത്തിയിരുന്നു. സംഭവത്തിൽ പോലീസ് നടത്തിയ അന്വേഷണത്തിലാണ് കുട്ടിയെ കണ്ടെത്തിയത്.