പെൺകുട്ടികളെ ലോഡ്ജിൽ എത്തിച്ചുകൊടുത്ത്‌ കമ്മീഷൻ പറ്റുന്ന പ്രധാന കണ്ണി മയക്കുമരുന്ന് കേസിൽ പിടിയിൽ; ഇയാളിൽനിന്ന് മാരകമയക്കുമരുന്നായ എംഡിഎംഎ പിടിച്ചെടുത്തു
തിരുവനന്തപുരം: പെൺവാണിഭ സംഘത്തിലെ പ്രധാനി മയക്കുമരുന്നുകേസിൽ അറസ്റ്റിലായി. നെടുമങ്ങാട് പൂവത്തൂർ ചെല്ലാംകോട് എൽ.പി. സ്‌കൂളിനു സമീപം സിമി ഭവൻ കൈതറക്കോണം വീട്ടിൽ ശ്യാം ദാസ്(30) ആണ് പിടിയിലായത്.
എംഡിഎംഎ കടത്തുന്നതിനിടയിലാണ് ഇയാളെ തമ്പാനൂർ പോലീസ് പിടികൂടിയത്. ഇയാൾക്ക് എംഡിഎംഎ എത്തിച്ചുനൽകുന്ന കൊല്ലം പരവൂർ ചരുവിള വീട്ടിൽ സുപ്രിയയെ തമ്പാനൂർ പോലീസ് നൽകിയ രഹസ്യവിവരത്തിന്റെ അടിസ്ഥാനത്തിൽ റൂറൽ ഷാഡോ പോലീസ് സംഘം അരുവിക്കരയിൽനിന്നു പിടികൂടി.
ഇവരുടെ പക്കൽനിന്ന്‌ എംഡിഎംഎ പിടിച്ചെടുത്തു. പെൺകുട്ടികളെ ലോഡ്ജിൽ എത്തിച്ചുകൊടുത്ത്‌ കമ്മീഷൻ പറ്റുന്ന പ്രധാന കണ്ണികളിൽ ഒരാളാണ് ശ്യാമെന്ന് തമ്പാനൂർ പോലീസ് പറയുന്നു. ഇയാളുടെ മൊബൈൽഫോണിൽനിന്നു പെൺവാണിഭ സംഘത്തെക്കുറിച്ചുള്ള വിവരങ്ങൾ പോലീസിനു ലഭിച്ചു.
Whatsapp Group 1 | Whatsapp Group 2 |Telegram Group
നഗരത്തിൽ ഓട്ടോറിക്ഷയിൽ കറങ്ങിനടന്നാണ് ഇയാളുടെ മയക്കുമരുന്നു കച്ചവടം. തമ്പാനൂർ സി.ഐ. വി.എം.ശ്രീകുമാറിന്റെ നേതൃത്വത്തിൽ നടന്ന പരിശോധനയിൽ എസ്.ഐ. വിനോദ്, സി.പി.ഒ. സാം ജോസ്, ശിവപ്രകാശ് എന്നിവർ പങ്കെടുത്തു.
