കോട്ടയം പള്ളത്ത് ബുള്ളറ്റ് നിയന്ത്രണം വിട്ട് അപകടം: മരിച്ചത് കൊല്ലം നൂറനാട് പള്ളി ഇമാം മുഹമ്മദ് അസ്ലം: ഇന്നു രാവിലെ 7.30 -ന് എം.സി റോഡിലുണ്ടായ അപകടത്തിൽ പരിക്കേറ്റ് റോഡിൽ വീണ് കിടന്ന അസ്ലമിനെ ആശുപത്രിയിൽ എത്തിക്കാൻ വൈകി

കോട്ടയം: വിൽപ്പന നടത്തിയ വാഹനത്തിന്റെ ഇടപാട് തീർക്കാൻ എത്തിയ മുഹമ്മദ് അസ്ലമിന്റെ യാത്ര അന്ത്യ യാത്രയായി.

എം.സി റോഡിൽ കോട്ടയം പള്ളത്ത് കെ.എസ്.ഇ.ബി ചാർജിംങ് സ്റ്റേഷനു മുന്നിലുണ്ടായ അപകടത്തിൽ ദാരുണാന്ത്യം സംഭവിച്ചത് കൊല്ലം നൂറനാട് പള്ളിയിലെ ഇമാമായ

തിരുവനന്തപുരം കിളിമാനൂർ പുതിയകാവ് ഗവ.ഹൈസ്കൂളിനു സമീപം ഹസൻ മൻസിലിൽ മുഹമ്മദ് അസ്ല (52) മിനാണ്.

ഇന്നു രാവിലെ 7.30. നാണ് അപകടം. കോട്ടയത്ത് ഇദ്ദേഹം വിൽപ്പന നടത്തിയ ഫോർച്യൂണർ വാഹനവുമായി ബന്ധപ്പെട്ട ഇടപാടുകൾ തീർക്കുന്നതിനായാണ് ഇദ്ദേഹം എത്തിയത്. കോട്ടയത്തു നിന്ന് ചിങ്ങവനം ഭാഗത്തേക്ക് പോകുമ്പോഴാണ് അപകടമുണ്ടായത്.

ഇദ്ദേഹം സഞ്ചരിച്ച ബുള്ളറ്റ് നിയന്ത്രണം വിട്ട് റോഡരികിലെ മതിലിൽ ഇടിയ്ക്കുകയായിരുന്നുവെന്ന് ചിങ്ങവനം പൊലീസ് പറഞ്ഞു.

അപകടത്തിൽ പരിക്കേറ്റ് റോഡിൽ വീണ് കിടന്ന ഇദ്ദേഹത്തെ ആശുപത്രിയിൽ എത്തിക്കാൻ വൈകി. അരമണിക്കൂറിന് ശേഷം ചിങ്ങവനത്ത് നിന്നുള്ള പൊലീസ് കൺട്രോൾ റൂം വാഹനം എത്തിയാണ് ആശുപത്രിയിൽ എത്തിച്ചത്.

അപ്പോഴേയ്ക്കും മരണം സംഭവിച്ചിരുന്നു. അപകട വിവരമറിഞ്ഞ് ബന്ധുക്കൾ കോട്ടയത്ത് എത്തിയിട്ടുണ്ട്. മൃതദേഹം കോട്ടയം ജില്ലാ ജനറൽ ആശുപത്രിയിൽ