കോട്ടയം മെഡിക്കൽ കോളേജ് ജീവനക്കാരൻ ജോലി സ്ഥലത്ത് മരിച്ചു; വൈദ്യുതാഘാതമേറ്റതായി സംശയം: കോട്ടയം അയ്മനം സ്വദേശി സുബ്രഹ്മണ്യൻ ആണ് മരിച്ചത്.

ഗാന്ധിനഗർ: കോട്ടയം മെഡിക്കൽ കോളേജ് ജീവനക്കാരനെ ജോലി സ്ഥലത്ത് മരിച്ച നിലയിൽ കണ്ടെത്തി.

വൈദ്യുതാഘാതമേറ്റതായി സംശയം. അയ്മനം പെരുമന കോളനി സുബ്രഹ്മണ്യൻ ( 42 )ആണ് മരിച്ചത്. മെഡിക്കൽ കോളേജിലെ മാലിന്യ പ്ലാന്റിലെ ജീവനക്കാരനാണ് സുബ്രഹ്മണ്യൻ.

മുടിയൂക്കര ഭാഗത്ത് മാലിന്യം സംഭരിക്കുന്ന പ്ലാന്റിന് സമീപം ഒരു കുഴിയിൽ മരിച്ച നിലയിൽ കണ്ടെത്തുകയായിരുന്നു.ഇന്ന് രാവിലെയാണ് സംഭവം .

ഉടനെ മെഡിക്കൽ കോളേജിൽ എത്തിച്ചെങ്കിലും മരിച്ചതായി സ്ഥിരീകരിച്ചു. വൈദ്യുതാഘാതമേറ്റതായി സംശയിക്കുന്നു.

ഗാന്ധിനഗർ പോലീസ് കേസെടുത്തു അന്വേഷണം ആരംഭിച്ചു . മൃതദേഹം മെഡിക്കൽ കോളേജ് മോർച്ചറിയിൽ സൂക്ഷിക്കുന്നു. കുടുതൽ വിവരങ്ങൾ ലഭ്യമായി വരുന്നതേയുള്ളു.