എഡിഎം നവീന് ബാബുവിന്റെ യാത്രയയപ്പ് യോഗത്തിന്റെ ദൃശ്യങ്ങള് ശേഖരിച്ചത് പി.പി. ദിവ്യ: പ്രചരിപ്പിച്ചതും ദിവ്യ: ദിവ്യ കൂടുതൽ കുരുക്കിലേക്ക്
കണ്ണൂർ: കണ്ണൂർ എഡിഎം നവീൻ ബാബു ആത്മഹത്യ ചെയ്ത കേസില് പ്രതി പി പി ദിവ്യ കൂടുതല് കുരുക്കില്. നവീൻ ബാബുവിനെ അധിക്ഷേപിക്കുന്ന ദൃശ്യങ്ങള് പ്രചരിപ്പിച്ചത് പി പി ദിവ്യയാണെന്ന് കണ്ടെത്തല്.
ലാന്ഡ് റവന്യു ജോയിന്റ് കമ്മീഷണറുടെ റിപ്പോര്ട്ടിലാണ് ഇക്കാര്യമുള്ളത്. പ്രാദേശിക ചാനലില് നിന്ന് ദിവ്യ യാത്രയയപ്പിന്റെ ദൃശ്യങ്ങള് ശേഖരിച്ചെന്നും മൊഴിയുണ്ട്. പല
മാധ്യമങ്ങള്ക്കും ദൃശ്യങ്ങള് നല്കിയത് ദിവ്യയാണെന്നും വ്യക്തമായി. ലാൻഡ് റവന്യു ജോയിന്റ് കമ്മീഷണറുടെ റിപ്പോര്ട്ട് ഇന്ന് സര്ക്കാരിന് കൈമാറും.
Whatsapp Group 1 | Whatsapp Group 2 |Telegram Group
കണ്ണൂർ ചെങ്ങളായിയില് പെട്രോള് പമ്പിനുള്ള എൻഒസി അനുവദിക്കുന്നതില് നവീൻ ബാബു ബോധപൂർവ്വം ഫയല് വൈകിപ്പിച്ചെന്ന ആരോപണത്തില് ഒരു തെളിവും മൊഴികളും ലാൻഡ്
റവന്യു ജോയിന്റ് കമ്മീഷണർക്ക് ഇതുവരെ ലഭിച്ചിട്ടില്ല. നവീൻ ബാബു കോഴ വാങ്ങി എന്നതിനും തെളിവ് ഇല്ലെന്നാണ് വിവരം. റോഡില് വളവ് ഉണ്ടെന്ന പൊലീസ് റിപ്പോർട്ടിന്റെ
അടിസ്ഥാനത്തില് എഡിഎം ടൗണ് പ്ലാനിങ് വിഭാഗത്തിന്റ റിപ്പോർട്ട് തേടുക ആയിരുന്നു. ഭാവിയില് വീതി കൂട്ടും എന്ന അടിസ്ഥാനത്തില് പ്ലാനിങ് വിഭാഗം അനുകൂലിച്ചു. എഡിഎം
നിയമ പരിധിക്കുള്ളില് നിന്നാണ് ഇടപെട്ടത് എന്നാണ് മൊഴികള്. കൈക്കൂലി ആരോപണം ഉന്നയിച്ച പി പി ദിവ്യ സംഭവത്തില് ഇതുവരെ മൊഴി കൊടുത്തിട്ടുമില്ല.