കന്നി മത്സരത്തില്‍ പ്രിയങ്കയ്ക്കൊപ്പം രാഹുലും സോണിയ ഗാന്ധിയും; സ്ഥാനാർത്ഥിയുടെ റോഡ് ഷോയിലും പങ്കെടുക്കും; വയനാട്ടില്‍ പ്രചരണം ഉഷാറാക്കാൻ കോണ്‍ഗ്രസ്

കല്‍പ്പറ്റ: വയനാട്ടില്‍ അംഗത്തിനിറങ്ങുന്ന പ്രിയങ്ക ഗാന്ധിയുടെ പ്രചരണം ഉഷാറാക്കാൻ കോണ്‍ഗ്രസ്.

പ്രിയങ്ക ഗാന്ധിക്കൊപ്പം സോണിയ ഗാന്ധിയും വയനാട്ടിലെത്തുമെന്നാണ് പുതിയ വിവരം. പ്രിയങ്കയുടെ കന്നി മത്സരത്തില്‍ പ്രചരണം നടത്താനാണ് സോണിയ വയനാട്ടിലെത്തുന്നത്.

രാഹുല്‍ ഗാന്ധിയും പ്രിയങ്കയ്ക്ക് ഒപ്പം വയനാട്ടിലെത്തുമെന്ന് ഇന്നലെ തന്നെ അറിയിപ്പ് ഉണ്ടായിരുന്നു.
മറ്റന്നാളാണ് മൂവരും വയനാട്ടിലെത്തുന്നത്.

കല്‍പ്പറ്റയില്‍ സ്ഥാനാർത്ഥിയുടെ റോഡ് ഷോയില്‍ മൂവരും പങ്കെടുക്കുമെന്നാണ് വിവരം. നാമനിർദേശ പത്രിക സമർപ്പണത്തിനും പ്രിയങ്കയ്‌ക്കൊപ്പം രാഹുലും സോണിയയും പോകും.

വർഷങ്ങള്‍ക്ക് ശേഷമാണ് സോണിയ ഗാന്ധി കേരളത്തില്‍ എത്തുന്നത്. പ്രിയങ്ക 10 ദിവസം തുടർച്ചയായി വയനാട്ടിലുണ്ടാകുമെന്നാണ് വിവരം.