സ്പാം കോളുകളിൽ നിന്നും സന്ദേശങ്ങളിൽ നിന്നും ഉപഭോക്താക്കളെ സംരക്ഷിക്കുന്നതിനായി എ ഐ സംവിധാനം അവതരിപ്പിച്ച് എയർടെൽ; ബാങ്കുകൾ, ഇൻഷുറൻസ്, സംരംഭങ്ങൾ എന്നിവയിൽ നിന്ന് നിയമാനുസൃതമായ കോളുകളും സന്ദേശങ്ങളും ഉപഭോക്താക്കളിലേക്ക് തടസമില്ലാതെ ലഭിക്കും

സ്പാം കോളുകളിൽനിന്നും സന്ദേശങ്ങളിൽനിന്നും ഉപഭോക്താക്കളെ സംരക്ഷിക്കുന്നതിനായി എഐ സംവിധാനം അവതരിപ്പിച്ച് എയർടെൽ.

എയർടെല്ലിന്റെ ഡാറ്റാ സയന്റിസ്റ്റുകളാണ് ഈ സംവിധാനം വികസിപ്പിച്ചെടുത്തത്. 100 ദശലക്ഷം സ്പാം കോളുകളും 3 ദശലക്ഷം സന്ദേശങ്ങളും പുതിയ എഐ സംവിധാനം ഫ്ലാ​ഗ് ചെയ്ത് ഉപഭോക്താക്കൾക്ക് സംരക്ഷണം നൽകുന്നു.

ബ്ലാക്ക്‌ലിസ്റ്റ് ചെയ്‌ത യുആർഎൽകളുടെ ഒരു കേന്ദ്രീകൃത ഡാറ്റാബേസ് ഉപയോ​ഗിച്ചാണ് സ്പാം സന്ദേശങ്ങളെ എയർടെൽ തിരിച്ചറിയുന്നത്.

എല്ലാ എയർടെൽ ഉപഭോക്താക്കൾക്കും ഈ സേവനം ലഭിക്കും. ഇതിനായി മറ്റ് ആപ്പുകളോ ലിങ്കുകളോ ആവശ്യമില്ല. കോൾ ഫ്രീക്വൻസി, ദൈർഘ്യം,പാറ്റേണുകൾ എന്നിവയുൾപ്പെടെയുള്ളവ വിശകലനം ചെയ്താണ് എയർടെൽ എഐ ടൂളിന്റെ അൽ​ഗോരിതം പ്രവർത്തിക്കുന്നത്.

എഐ ടൂൾ എത്തുന്നതോടെ ഉപഭോക്താക്കളെ തട്ടിപ്പുകളിൽ നിന്നും വഞ്ചനകളിൽ നിന്നും സംരക്ഷിക്കാൻ കഴിയുമെന്നാണ് കമ്പനി കരുതുന്നത്.

അതേസമയം ബാങ്കുകൾ, ഇൻഷുറൻസ്, സംരംഭങ്ങൾ എന്നിവയിൽ നിന്ന് നിയമാനുസൃതമായ കോളുകളും സന്ദേശങ്ങളും ഉപഭോക്താക്കളിലേക്ക് തടസമില്ലാതെ ലഭിക്കും.