അമ്മയെ മകൻ തലയ്ക്കടിച്ചു കൊലപ്പെടുത്തി ; ആക്രമണം തടയാൻ ശ്രമിച്ച സഹോദരനും മർദ്ദനം

കാസർഗോഡ് : പൊവ്വലിൽ വൃദ്ധ മാതാവിനെ മകൻ തലയ്ക്കടിച്ചു കൊന്നു. പൊവ്വൽ പുതിയ പെട്രോൾ പമ്പിനു സമീപത്തുള്ള അബ്ദുള്ളക്കുഞ്ഞിയുടെ ഭാര്യ നബീസ (62)യാണ് കൊല്ലപ്പെട്ടത്.

പ്രതി നാസറിനെ (41) പൊലീസ് അറസ്റ്റ് ചെയ്തു. മർദ്ദനം തടയാൻ ശ്രമിച്ച മറ്റൊരു മകൻ മജീദ് പരിക്കേറ്റ് ആശുപത്രിയിലാണ്.

പ്രതി യാതോരു പ്രകോപനവും കൂടാതെ മാതാവിനേയും സഹോദരനെയും  മർദ്ദിക്കുകയായിരുന്നു. പ്രതി മാനസികാസ്വാസ്ഥ്യമുള്ള ആളെന്ന് പോലീസ് പറഞ്ഞു.