ജീവിതശൈലി രോഗങ്ങളില്‍ പ്രധാനിയായി മാറിയിരിക്കുകയാണ് രക്തസമ്മർദ്ദം. ദൈനംദിനത്തിലെ പല കാര്യങ്ങളും രക്തസമ്മർദ്ദം പോലെയുള്ള പ്രശ്നങ്ങളെ ബാധിക്കാം.
ശരിയായ സമീകൃതാഹാരം കഴിക്കാതിരിക്കുകയോ ആരോഗ്യകരമായ ദിനചര്യ നിലനിർത്താതെ ഇരിക്കുകയോ ചെയ്യുന്നത് രക്തസമ്മർദ്ദം കൂടാൻ കാരണമായേക്കാം.
പെട്ടെന്നുണ്ടാകുന്ന സ്‌പൈക്ക് രക്തക്കുഴലുകള്‍ക്ക് കേടുപാടുകള്‍ വരുത്തുക, രക്തം കട്ടപിടിക്കുക തുടങ്ങിയ ഗുരുതരമായ ആരോഗ്യ പ്രശ്‌നങ്ങള്‍ക്ക് കാരണമാകും. രക്തസമ്മർദ്ദത്തിൻ്റെ അളവ് പതിവായി പരിശോധിക്കേണ്ടത് വളരെ പ്രധാനമാണ്. ഉയർന്ന അളവില്‍ ഉപ്പ്, പൂരിത കൊഴുപ്പ് എന്നിവ കഴിക്കാതിരിക്കാൻ ശ്രമിക്കുക, ഇത് ശരീരഭാരം വർദ്ധിപ്പിക്കാൻ ഇടയാക്കും. ഹൃദയത്തിന് രക്തം പമ്ബ് ചെയ്യാൻ പ്രയാസമാണ്. ഉയർന്ന രക്തസമ്മർദ്ദം മൊത്തത്തിലുള്ള ആരോഗ്യത്തെ ഗുരുതരമായി ബാധിക്കും.
Whatsapp Group 1 | Whatsapp Group 2 |Telegram Group
എന്തൊക്കെ കാരണങ്ങള്‍ മൂലം ബി പി വരാം?
പാരമ്പര്യം
പാരമ്പര്യവുമായി രക്തസമ്മർദ്ദം വരാനുള്ള സാധ്യത വളരെ കൂടുതലാണ്. മാതാപിതാക്കള്‍ക്ക് രക്തസമ്മർദ്ദമുണ്ടെങ്കില്‍ തീർച്ചയായും മക്കള്‍ കൃത്യമായ പരിശോധനകള്‍ നടത്താൻ ശ്രമിക്കണം. ദിവസവും വ്യായാമം ചെയ്താല്‍ പോലും പാരമ്ബര്യമായി ഇത് വരാനുള്ള സാധ്യത കൂടുതലാണ്. പരിശോധനകള്‍ നടത്തി രക്തസമ്മർദ്ദം ഇല്ലെന്ന് ഉറപ്പ് വരുത്തണം. ആവശ്യമെങ്കില്‍ മരുന്ന് കഴിക്കാനും ശ്രമിക്കണം.
ഭാരം കൂടുക
അമിതഭാരം പല തരത്തിലുള്ള ആരോഗ്യ പ്രശ്നങ്ങളിലേക്ക് നയിച്ചേക്കാം. ഇതില്‍ പ്രധാനമാണ് രക്തസമ്മർദ്ദം. അമിതമായി ഭാരം കൂടുന്നത് പലപ്പോഴും ഹൃദയത്തിന് രക്തം പമ്ബ് ചെയ്യാൻ ബുദ്ധിമുട്ടുകള്‍ ഉണ്ടാക്കാം. സമീകൃതമായ ആഹാരം കഴിച്ച്‌ കൃത്യമായ ശരീരഭാരം നിലനിർത്താൻ ശ്രമിക്കണം. രക്തസമ്മർദ്ദം ഉയരുന്നത് ഹൈപ്പർ ടെൻഷനും കാരണമായേക്കാം.
പ്രായം
പ്രായം കൂട്ടുന്നത് അനുസരിച്ച്‌ ശരീരത്തില്‍ കൊഴുപ്പ് അടിഞ്ഞുകൂടുന്നതിനാല്‍ നമ്മുടെ ധമനികള്‍ കഠിനമാവുകയും അത് രക്തസമ്മർദ്ദം വർദ്ധിപ്പിക്കുകയും ചെയ്യുന്നു. ഹോർമോണ്‍ അസന്തുലിതാവസ്ഥ രക്തസമ്മർദ്ദത്തിൻ്റെ അളവിനെയും ബാധിക്കും. അതിനാല്‍, പ്രായമാകുമ്ബോള്‍ പതിവായി പരിശോധനകള്‍ നടത്തേണ്ടത് പ്രധാനമാണ്.
സ്ട്രെസ്
ജോലി ഭാരം കാരണം പലർക്കും അമിതമായ സ്ട്രെസ് ഉണ്ടാകാറുണ്ട്. ഇന്നത്തെ കാലത്ത് മിക്ക ചെറുപ്പാകാർക്കും രക്തസമ്മർദ്ദം ഉണ്ടാകാനുള്ള പ്രധാന കാരണങ്ങളിലൊന്ന് ഈ മാനസിക സമ്മർദ്ദം തന്നെയാണ്. ചെറിയ രീതിയിലുള്ള സമ്മർദ്ദം പോലും ഹൃദയമിടിപ്പ് കൂട്ടാൻ കാരണമാകാറുണ്ട്.
കാരണം നമ്മുടെ ഹൃദയം വേഗത്തില്‍ പമ്ബ് ചെയ്യുമ്ബോള്‍ കോർട്ടിസോള്‍, അഡ്രിനാലിൻ തുടങ്ങിയ ഹോർമോണുകള്‍ പുറത്തുവരുന്നു.
ബി പി കുറയാൻ എന്തൊക്കെ കാര്യങ്ങള്‍ ചെയ്യാം?
• തൂക്കം കുറയ്ക്കുക. 10 കിഗ്രാം കുറച്ചാല്‍ ബി. പി 6/3 എങ്കിലും കുറയും. 30 മിനിറ്റെങ്കിലും നീണ്ടു നില്‍ക്കുന്ന നടത്തം പോലുള്ള എയ്റോബിക് വ്യായാമങ്ങളാണ് ബി പി നിയന്ത്രിക്കാൻ നല്ലത്.
• ദിവസം ആറുഗ്രാമില്‍ താഴെ മാത്രം ഉപ്പ് ഉപയോഗിക്കുക. ബിപി 4/2 അളവു കുറയും.
• പഴങ്ങള്‍, പച്ചക്കറികള്‍, കൊഴുപ്പില്ലാത്ത പാലുല്‍പന്നങ്ങള്‍ എന്നിവ കൂടുതലുള്ള ആഹാരക്രമമാണ് ബി.പി നിയന്ത്രിക്കാൻ അനുയോജ്യം.
• മദ്യം , പുകവലി എന്നിവ ഒഴിവാക്കണം.
• ശരീരത്തില്‍ യൂറിക് ആസിഡ് അമിതമായാല്‍ ബിപി കൂടാൻ സാധ്യതയുണ്ട്. പഞ്ചസാരയും പഴങ്ങളും കൂടുതലായി കഴിക്കുന്നവരില്‍ വ്യായാമം വഴി ഫ്രക്ടോസില്‍ നിന്നുള്ള ഊർജം ഉപയോഗിക്കാതെ വരുമ്ബോള്‍ യൂറിക് ആസിഡിന്റെ ഉത്പാദനം കൂടും. ഫ്രക്ടോസ് ഉപയോഗം 25 ഗ്രാമായി നിയന്ത്രിക്കുകയാണ് പരിഹാരം. നന്നായി വ്യായാമം ചെയ്യുന്നവരാണെങ്കിലേ ഭക്ഷണത്തിനൊപ്പം ധാരാളം പഴങ്ങള്‍ കഴിക്കാവൂ.
• കാലറി നിയന്ത്രണവും പ്രധാനം. ശരീരത്തിന്റെ പ്രവർത്തനങ്ങള്‍ക്കാവശ്യമായ ഊർജം മാത്രം ലഭിക്കാനുള്ള ഭക്ഷണം കഴിക്കുക.
• സ്ട്രെസ്സ് കുറയ്ക്കുക. ബി. പി രോഗിയുടെ 70% ഹൃദ്രോഗസാധ്യതയും ഇങ്ങനെ ഒഴിവാക്കാം.
• 30 മിനിറ്റില്‍ താഴെ ദിവസവും ഉച്ചനേരത്ത് മയങ്ങുന്നത് നല്ലതാണ്.
