മുഖ്യമന്ത്രിയുടെ ദുരിതാശ്വാസ നിധിക്കെതിരായ പ്രചാരണം; മുണ്ടക്കയത്ത് രണ്ട് പേർക്കെതിരെ പോലീസ് കേസെടുത്തു

കോട്ടയം: വയനാട് ഉരുൾപൊട്ടലിന്റെ പശ്ചാത്തലത്തില്‍ മുഖ്യമന്ത്രിയുടെ ദുരിതാശ്വാസ നിധിയിലേക്കു സംഭാവന ചെയ്യണമെന്ന അഭ്യര്‍ത്ഥനക്കെതിരെ വ്യാജ പ്രചാരണം നടത്തിയ സംഭവത്തിൽ മുണ്ടക്കയം പോലിസ് രണ്ട് പേർക്കെതിരെ കേസെടുത്തു.

ഒരാൾ മുണ്ടക്കയം പൈങ്ങനാ സ്വദേശിയാണ്. മറ്റൊരാൾ ഇഞ്ചിയാനി വട്ടക്കാവ് സ്വദേശിനിയായ സ്ത്രിയാണ്.

ദുരിതാശ്വാസ നിധിക്കെതിരെയുള്ള വ്യാജ പ്രചാരണങ്ങള്‍ നിരീക്ഷിക്കുന്നതിനു പോലീസ് സമൂഹമാധ്യമങ്ങളില്‍ നിരീക്ഷണം ശക്തമാക്കിയിട്ടുണ്ട്.

പോസ്റ്റുകള്‍ നിര്‍മിക്കുകയും ഷെയര്‍ ചെയ്യുകയും ചെയ്യുന്നവര്‍ക്കെതിരെയാണ് പോലീസ് സ്വീകരിക്കുന്നത് കർശന നിയമനടപടികള്‍.