താലിമാലയ്ക്കൊപ്പം ഭര്‍ത്താവിന് കത്തും എഴുതി വച്ച് പാതിരാത്രി ക്ഷേത്ര ഉപദേശക സമിതി സെക്രട്ടറിയായ കാമുകനൊപ്പം ക്ഷേത്ര ജീവനക്കാരൻ്റെ ഭാര്യ മുങ്ങി; ഊബർ ടാക്സിയിൽ രക്ഷപെടുന്ന വഴി മുന്നിൽ ഭർത്താവിനെ കണ്ടതോടെ ഒളിച്ചോട്ടം പാളി, ഭാര്യയും കുഞ്ഞുമുള്ള ഐ.ടി ഉദ്യോഗസ്ഥനായ കാമുകന് നാട്ടുകാരുടെ വക ഇടിയുടെ പൂരം
സ്വന്തം ലേഖകൻ
കൊച്ചി: ഒളിച്ചോടാൻ ശ്രമിച്ച ഭാര്യയും കാമുകനും ഭർത്താവിന്റെ പിടിയിൽ. എറണാകുളം നഗരത്തോടുചേര്‍ന്ന പ്രമുഖ ക്ഷേത്രത്തിലെ ജീവനക്കാരന്റെ ഭാര്യയുമായി അര്‍ദ്ധരാത്രി ഒളിച്ചോടാനുള്ള ഉപദേശകസമിതി സെക്രട്ടറിയുടെ ശ്രമമാണ് പൊളിഞ്ഞത്
യുവതിയുടെ ഭര്‍ത്താവ് കാമുകനേയും കാമുകിയേയും കൈയോടെ പിടിച്ചതോടെ സെക്രട്ടറിക്ക് നാട്ടുകാരുടെ വക പൊതിരെ തല്ല്കിട്ടി. ഉപദേശകസമിതി അടിയന്തര യോഗംചേര്‍ന്ന് സെക്രട്ടറിയെ പുറത്താക്കി.
Whatsapp Group 1 | Whatsapp Group 2 |Telegram Group
പുതിയ സെക്രട്ടറിയായി മറ്റൊരു കമ്മിറ്റിഅംഗത്തെ തീരുമാനിച്ചിട്ടുണ്ട്. ദേവസ്വം ബോര്‍ഡിന്റെ അംഗീകാരത്തിന് തീരുമാനം സമര്‍പ്പിക്കുമെന്ന് സമിതി പ്രസിഡന്റ് പറഞ്ഞു.
ക്ഷേത്രത്തിന് സമീപത്തെ വാടകവീട്ടിലായിരുന്നു ജീവനക്കാരനും ഭാര്യയും താമസിച്ചിരുന്നത്. താലിമാല ഊരി ഭര്‍ത്താവിന് കത്തും എഴുതി മേശപ്പുറത്ത് വച്ചാണ് ഭാര്യ മുങ്ങാന്‍ ശ്രമിച്ചത്. ഭര്‍ത്താവ് യാദൃച്ഛികമായി ഉറക്കമുണര്‍ന്ന് ഭാര്യയെ അന്വേഷിച്ചപ്പോള്‍ പുറത്തെ വഴിയില്‍ കാമുകനെ കാത്തുനില്‍ക്കുന്നതാണ് കണ്ടത്.
ഓടിയെത്തിയപ്പോഴേക്കും കാമുകന് യൂബര്‍ ടാക്‌സിയുമായി വന്നു. ഒളിച്ചോട്ടശ്രമവും അടിപിടിയും അടിമുടി സി.സി ടിവി ക്യാമറയില്‍ പതിഞ്ഞിട്ടുണ്ടെന്നാണ് സൂചന. രാത്രി തന്നെ മാതാപിതാക്കളെ വിളിച്ചുവരുത്തി യുവതിയെ അവര്‍ക്കൊപ്പം വിട്ടു. കാമുകനായ സമിതി സെക്രട്ടറി തിരുവനന്തപുരത്തേക്ക് മുങ്ങി. ഇവിടെ ഒരു ഐ.ടി കമ്പനിയിലാണ് ഇയാള്‍ക്ക് ജോലി.
ഭാര്യയെ തട്ടിക്കൊണ്ടുപോകാന്‍ ശ്രമിച്ചതിന് പിറ്റേന്ന് ക്ഷേത്രജീവനക്കാരന്‍ പൊലീസില്‍ പരാതി നല്‍കിയെങ്കിലും ഇതുവരെ കേസെടുത്തിട്ടില്ല. 40കാരനായ കാമുകന് ഭാര്യയും കുഞ്ഞുമുണ്ട്.
