മണർകാട് പള്ളിയ്ക്കു സമീപം കണിയാംകുന്ന് റോഡ് ഇടിഞ്ഞു താണു ; റോഡിലുണ്ടായിരുന്ന ലോറി നീക്കം ചെയ്തപ്പോള്‍ കണ്ടത് വർഷങ്ങള്‍ പഴക്കമുള്ള കിണർ ; ഒഴിവായത് വൻ ദുരന്തം ;വീഡിയോ ദൃശ്യങ്ങൾ കാണാം

സ്വന്തം ലേഖകൻ

കോട്ടയം: മണർകാട് പള്ളിയ്ക്കു സമീപം കണിയാംകുന്ന് റോഡ് ഇടിഞ്ഞു താണു. സംഭവ സ്ഥലത്തുണ്ടായിരുന്ന ലോറി നീക്കം ചെയ്തപ്പോള്‍ കണ്ടത് വർഷങ്ങൾ പഴക്കമുള്ള കിണർ.

ഇന്ന് വൈകുന്നേരമാണ് സംഭവം. ഈ റോഡിലൂടെ ടിപ്പർ ലോറി കടന്ന് പോകുന്നതിനിടെ ലോറിയുടെ പിൻ ഭാഗത്തെ ചക്രം കുഴിയിലേയ്ക്ക് ഇടിഞ്ഞു താഴുകയായിരുന്നു. കുഴിയില്‍ പുതഞ്ഞ ടിപ്പർ ലോറി ജെസിബി ഉപയോഗിച്ച്‌ മാറ്റി. തുടർന്നാണ് റോഡിലെ വലിയ കുഴി ശ്രദ്ധയില്‍പ്പെട്ടത്.

ഇവിടെ നടത്തിയ പരിശോധനയിൽ വർഷങ്ങള്‍ക്ക് മുൻപുള്ള കിണറാണ് ഇതെന്ന് കണ്ടെത്തി. റോഡ് ടാറിങ് സമയത്ത് കിണർ മൂടാതെ നടത്തിയ നിർമ്മാണ പ്രവർത്തനമാണ് ഇപ്പോഴത്തെ അപകടത്തിന് കാരണം.