സീരിയൽ ഷൂട്ടിംഗിനിടെയുണ്ടായ ആക്രമണത്തിൽ മൂന്ന് പേർക്ക് പരിക്ക് ; പ്രതികളെ പോലീസ് അറസ്റ്റ് ചെയ്തു

തിരുവനന്തപുരം : കാട്ടാക്കടയില്‍ സീരിയല്‍ ഷൂട്ടിംഗിനിടെയുണ്ടായ ആക്രമണത്തില്‍ മൂന്ന് പേർക്ക് പരിക്ക്. രണ്ടംഗ സംഘമാണ് ഷൂട്ടിംഗ് സംഘത്തെ ആക്രമിച്ചത്.

ഇവർ വാഹനവും നശിപ്പിച്ചു. അതേസമയം, ആക്രമണം നടത്തിയ കിള്ളി സ്വദേശികളായ അജീർ, ഷമീർ എന്നിവരെ പൊലീസ് അറസ്റ്റ് ചെയ്തു.

പ്രതികള്‍ മദ്യ ലഹരിയിലായിരുന്നുവെന്ന് പൊലീസ് പറഞ്ഞു. ഇവർ മുമ്ബും ചില കേസുകളില്‍ പ്രതികളാണെന്നും പൊലീസ് അറിയിച്ചു.