കൂട്ടുകാരുമൊത്ത് കടലിൽ കുളിക്കവെ കാണാതായ യുവാവിന്റെ മൃതദേഹം വലപ്പാട് ബീച്ചിൽ നിന്ന് കണ്ടെത്തി

തൃശൂർ : വാടാനപ്പള്ളി, തളിക്കുളം അറപ്പക്ക് സമീപം കൂട്ടുകാരുമൊത്ത് കടലിൽ കുളിക്കാൻ ഇറങ്ങിയ യുവാവിന്റെ മൃതദേഹം കണ്ടെത്തി.

കടലിൽ കാണാതായ നീലഗിരി കുനൂർ സ്വദേശി അമൽ(24) ന്റെ മൃതദേഹമാണ് കണ്ടെത്തിയത്. ഇന്ന് രാവിലെ വലപ്പാട് ബീച്ചിലാണ് മൃതദേഹം കണ്ടെത്തിയത്.

ശനിയാഴ്ച്ചയാണ്  കോയമ്പത്തൂരിൽ നിന്നെത്തിയ ഏഴംഗ സംഘം കടലിൽ കുളിക്കാൻ ഇറങ്ങിയത്. ഇതിനിടെ അമലിനെ കാണാതാവുകയായിരുന്നു.

ഇന്നലെ ഉച്ചക്ക് രണ്ടുമണി മുതൽ ഏറെ വൈകിയും തിരച്ചിൽ നടത്തിയെങ്കിലും കണ്ടെത്താൻ കഴിഞ്ഞിരുന്നില്ല.തുടർന്ന് ഇന്ന് മൃതദേഹം കരകയടിയുകയായിരുന്നു.