തബലയിൽ വിസ്മയം തീർത്ത കെപിഎസി തമ്പിയുടെയും മിമിക്രി കലാരംഗത്ത് പാരഡി ഗാനങ്ങളിലൂടെ പുത്തൻവഴിതെളിച്ച കോട്ടയം സോമരാജിന്റെയും വേർപാടിൽ കെഎഎഫ് അനുസ്മരണ സമ്മേളനം നടത്തി : യോഗം എഴുത്തുകാരൻ അഡ്വ കെ .അനിൽകുമാർ ഉദ്ഘാടനം ചെയ്തു

സ്വന്തം ലേഖകൻ

കെ എ അയ്യപ്പൻപിള്ള സ്മാരക മുട്ടമ്പലം മുനിസിപ്പൽ പബ്ലിക് ലൈബ്രറിയും കെഎഎഫ് ( Kerala Artistes Fraternity) സംയുക്തമായി കെ പി എ സി തമ്പി / കോട്ടയം സോമരാജൻ അനുസ്മരണവും മുട്ടമ്പലം ലൈബ്രറിയിൽ നടന്നു.

തബലയിൽ വിസ്മയം തീർത്ത് കേരളത്തിലും വിദേശങ്ങളിലുമായി നൂറുകണക്കിന് ശിഷ്യഗണങ്ങളുള്ള കെ പി എ സിതമ്പിയുടെയും,മിമിക്രി കലാരംഗത്ത് പാരഡി ഗാനങ്ങളിലൂടെ പുത്തൻവഴിതെളിച്ച കോട്ടയത്തിന്റെ പ്രിയ ഹാസ്യ കലാകാരൻ കോട്ടയം സോമരാജിൻ്റെയും വേർപാടിൽ അനുശോചിച്ചു.

ഇന്ന് നടന്ന അനുസ്മരണ യോഗം പ്രമുഖ എഴുത്തുകാരനും,വാഗ്മിയും, കോട്ടയത്തെ പുരോഗമന പ്രസ്ഥാനത്തിൻ്റെ പ്രചാരകനുമായ ആയ അഡ്വ കെ .അനിൽകുമാർ ഉദ്ഘാടനം ചെയ്തു.

കെ പി എ സി തമ്പിയുടെയും, കോട്ടയം സോമരാജിൻ്റേയും നിരവധി ശിഷ്യന്മാരും, സഹപ്രവർത്തകരും, സുഹൃത്തുക്കളും, ആരാധകരും പങ്കെടുത്ത അനുസ്മരണ യോഗത്തിൽ മുനിസിപ്പൽ കൗൺസിലർ പി ഡി സുരേഷ് അധ്യക്ഷത വഹിക്കുകയും ലൈബ്രറി സെക്രട്ടറി ശ്യാംകുമാർ സ്വാഗതം പറയുകയും ചെയ്തു.

മുനിസിപ്പൽ കൗൺസിലർ ജിബി ജോൺ കെഎഫ് ജില്ലാ ട്രഷറർ ജയശങ്കർ, കെഎഫ് ജില്ലാ എക്സി: അംഗം മാത്യൂസ് പി ജോൺ കോട്ടയം കവിയരങ്ങ് കോഡിനേറ്റർ ബേബി പാറക്കടവൻ ബാബു കൊച്ചറിയ ,ആർ. അർജുനൻ പിള്ള (പു.ക.സ. കോട്ടയം ഏരിയ പ്രസിഡൻ്റ്), സിബി കോട്ടയം (മിമിക്രി ആർട്ടിസ്റ്റ്), ജോസ് വേളൂർ (തബലിസ്റ്റ്), ഈശോ (ഗിറ്റാറിസ്റ്റ്), ദേവപാലൻ (നാടക നടൻ)തുടങ്ങിയവർ ഓർമ്മകൾ പങ്ക് വച്ച് അനുസ്മരണ പ്രഭാഷണങ്ങൾ നടത്തി.

കെഎഫ് ജില്ലാ എക്സി: അംഗം ജികെപി ദിലീപ് നന്ദി രേഖപ്പെടുത്തി.