കണ്ണൂരിൽ വീണ്ടും ബോംബ് കണ്ടെത്തി ; തലശ്ശേരി-മാഹി ബൈപ്പാസിന്റെ സർവീസ് റോഡരികിലാണ് സ്റ്റീല്‍ ബോംബ് കണ്ടെത്തിയത്

കണ്ണൂര്‍ :എരഞ്ഞോളിയിലെ ബോംബ് സ്ഫോടനത്തിനും കൂത്തുപറമ്പിൽ നിന്ന് ബോംബ് ലഭിച്ചതിനും ശേഷം കണ്ണൂരില്‍ നിന്ന് വീണ്ടും ബോംബ് കണ്ടെടുത്തു.

ന്യൂ മാഹി പെരിങ്ങാടിയില്‍ തലശ്ശേരി-മാഹി ബൈപ്പാസിന്റെ സർവീസ് റോഡരികിലാണ് സ്റ്റീല്‍ ബോംബ് കണ്ടെത്തിയത്.

ഇന്നലെ കൂത്തുപറമ്പിലെ ആളൊഴിഞ്ഞ പറമ്പിൽ നിന്ന് സ്റ്റീല്‍ ബോംബുകള്‍ കണ്ടെടുത്തിരുന്നു. അതിനിടെ പാനൂർ ചെണ്ടയാട് റോഡില്‍ സ്ഫോടകവസ്തു പൊട്ടിത്തെറിച്ചത് പരിഭ്രാന്തി പരത്തി.

പൊട്ടിയത് ഏറുപടക്കമെന്നാണ് പൊലീസ് പറയുന്നത്. ആരാണ് ഇത് എറിഞ്ഞ് പൊട്ടിച്ചതെന്ന് വ്യക്തമല്ല. ഉച്ചയ്ക്ക് രണ്ട് മണിയോടെയാണ് പൊട്ടിത്തെറിയുണ്ടായത്. പ്രദേശത്തെ ഒരു വീടിന് നേരെ മാസങ്ങള്‍ക്ക് മുമ്ബ് ബോംബേറുണ്ടായിരുന്നു.