ക​ട​ലു​ണ്ടി ട്രെയിൻ അപകടത്തിന് ഇന്നേക്ക് 23 വർഷം; അന്വേഷണ റിപ്പോർട്ട് പുറത്തുവിടാതെ ഇരുട്ടിൽ തപ്പി റെയിൽവേ, ജീവൻ നഷ്ടപ്പെട്ടവരുടെ കുടുംബത്തിന് തുച്ഛമായ നഷ്ടപരിഹാരം, പരിക്കേറ്റവർക്ക് ഒന്നുംകിട്ടിയില്ല, ര​ക്ഷാ​പ്ര​വ​ർ​ത്ത​നത്തിൽ ഏർപ്പെട്ടവർക്ക് ജോലി വാ​ഗ്ദാനം എന്നത് ജലരേഖ മാത്രം

ക​ട​ലു​ണ്ടി: ട്രെ​യി​ൻ അപകടങ്ങ​ൾ ഉണ്ടാക്കിയ വലിയ ദുരന്തങ്ങൾ ഇപ്പോഴും മായാതെ ഉണ്ട്. ഒരുപാട് പേരുടെ ജീവൻ നഷ്ടപ്പെട്ടിട്ടും ഒരു തരത്തിലുമുള്ള നിയമനടപടികൾ ഇല്ലാതെ ഇപ്പോഴും കാരണമാറിയാത്ത കുറേ മരണങ്ങൾ.

ട്രെയിൻ ദുരന്തങ്ങൾ ആവർത്തിക്കുമ്പോൾ അ​ന്വേ​ഷ​ണ റി​പ്പോ​ർ​ട്ട് പു​റ​ത്തു​വി​ടാ​തെ പൂഴ്ത്തിവെക്കുകയാണ് ഇ​ന്ത്യ​ൻ റെ​യി​ൽ​വേ. ഏറ്റവും വലിയ ട്രെയിൻ ദുരന്തമാണ് ക‌ലുണ്ടി അപകടം.

ഇന്നേക്ക് 23 വർഷം തികഞ്ഞിട്ടും ഇതിൽ ഒരു നടപടിയോ അന്വേഷണ റിപ്പോർട്ടോ വ്യക്തമാക്കാൻ കഴിയാതെ ഇരുട്ടിൽ തപ്പുകയാണ് ഇന്ത്യൻ റെയിൽവേ. 52 പേ​രു​ടെ ജീ​വ​ൻ ന​ഷ്ട​പ്പെ​ട്ട ക​ട​ലു​ണ്ടി ട്രെ​യി​ൻ ദു​ര​ന്ത​ത്തെ ക്കു​റി​ച്ച് മി​നി​റ്റു​ക​ൾ​ക്ക​കം അ​ന്വേ​ഷ​ണ​ത്തി​ന് ഉ​ത്ത​ര​വി​ട്ടിരുന്നു. 2001 ജൂ​ൺ 22 വൈ​കു​ന്നേ​രം അ​ഞ്ച​ര​ക്കു​ശേ​ഷ​മാ​യി​രു​ന്നു ക​ട​ലു​ണ്ടി ദു​ര​ന്തം.

കു​തി​ച്ചു​വ​ന്ന ട്രെ​യി​ൻ പ്ര​ക​മ്പ​നം കൊ​ള്ളി​ക്കു​ന്ന ശ​ബ്ദ​ത്തോ​ടെ ക​ട​ലു​ണ്ടി പു​ഴ​യി​ലേ​ക്ക് വീ​ഴു​ക​യാ​യി​രു​ന്നു. പി​ൻ​ഭാ​ഗ​ത്തെ അ​ഞ്ച്​ കോ​ച്ചു​ക​ൾ പാ​ള​ത്തി​ൽ നി​ന്ന് വേ​ർ​പെ​ട്ടു. ഫ​സ്റ്റ് ക്ലാ​സ് എ.​സി കോ​ച്ചു​ക​ളി​ൽ മൂ​ന്നെ​ണ്ണം ട്രാ​ക്കി​നും പു​ഴ​ക്കു​മി​ട​യി​ൽ തൂ​ങ്ങി​നി​ൽ​ക്കു​ന്ന നി​ല​യി​ലും ര​ണ്ടെ​ണ്ണം പു​ഴ​യി​ൽ മു​ങ്ങി​യ​നി​ല​യി​ലു​മാ​യി​രു​ന്നു. ഇ​തി​ൽ സ്ത്രീ​ക​ളു​ടെ ഒ​രു ബോ​ഗി​യും ര​ണ്ടാ​മ​ത്തേ​ത് ജ​ന​റ​ൽ കോ​ച്ചു​മാ​യി​രു​ന്നു.

മ​ഴ പെ​യ്ത​തോ​ടെ വെ​ള്ള​ത്തി​ൽ താ​ഴ്ന്നു കി​ട​ന്ന കോ​ച്ചി​ൽ​നി​ന്ന് യാ​ത്ര​ക്കാ​രെ ര​ക്ഷ​പ്പെ​ടു​ത്ത​ൽ ശ്ര​മ​ക​ര​മാ​യി​രു​ന്നു. എ​ന്നി​ട്ടും ബോ​ഗി​ക​ൾ വെ​ട്ടി​പ്പൊ​ളി​ച്ച് ഒ​ട്ടേ​റെ പേ​രെ ര​ക്ഷി​ക്കാ​ൻ നാ​ട്ടു​കാ​ർ​ക്ക് ക​ഴി​ഞ്ഞു. സ്വ​ന്തം ജീ​വ​ൻ പ​ണ​യം​വെ​ച്ച് നാ​ടു മു​ഴു​വ​ൻ ര​ക്ഷാ​പ്ര​വ​ർ​ത്ത​ന​ത്തി​ന് ഇ​റ​ങ്ങി​യ​തോ​ടെ മ​ര​ണം 52ൽ ​ഒ​തു​ങ്ങി. ഗു​രു​ത​ര പ​രി​ക്കേ​റ്റ​വ​ര​ട​ക്കം 225ഓ​ളം യാ​ത്ര​ക്കാ​ർ ര​ക്ഷ​പ്പെ​ട്ടു.

ക​ട​ലു​ണ്ടി പാ​ലം ത​ക​ർ​ന്ന​തോ​ടെ ഷൊ​ർ​ണൂ​ർ -മം​ഗ​ളൂ​രു റൂ​ട്ടി​ൽ മാ​സ​ങ്ങ​ളോ​ളം ട്രെ​യി​ൻ ഗ​താ​ഗ​തം മു​ട​ങ്ങി. ഈ ​അ​വ​സ​രം മു​ത​ലെ​ടു​ത്ത റെ​യി​ൽ​വേ, കോ​ച്ചു​ക​ളു​ടെ ത​ക​രാ​ർ മൂ​ലം സം​ഭ​വി​ച്ച അ​പ​ക​ട​മ​ല്ല എ​ന്ന വാ​ദ​മാ​ണ് മു​ന്നോ​ട്ടുവെച്ച​ത്. പാ​ല​ത്തി​ന്റെ തൂ​ൺ ത​ക​ർ​ന്ന​താ​ണ് ബോ​ഗി​ക​ൾ പാ​ളം​തെ​റ്റി മ​റി​യാ​ൻ ഇ​ട​യാ​ക്കി​യ​തെ​ന്നാ​യി​രു​ന്നു റെ​യി​ൽ​വേ​യു​ടെ ക​ണ്ടെ​ത്ത​ൽ.

ഇ​തി​നു പി​ന്നാ​ലെ കോ​ടി​ക​ൾ മു​ട​ക്കി പു​തി​യ പാ​ലം നി​ർ​മി​ച്ചു. ട്രാ​ക്കു​ക​ളും പാ​ല​ങ്ങ​ളും ഉ​ൾ​പ്പെ​ടെ സു​ര​ക്ഷി​ത​ത്വം പ​രി​ശോ​ധി​ക്കു​ന്ന റെ​യി​ൽ​വേ സേ​ഫ്റ്റി ക​മീ​ഷ​ണ​ർ ദു​ര​ന്ത​ത്തി​ന് ര​ണ്ടാ​ഴ്ച മു​മ്പ് പ​രി​ശോ​ധ​ന ന​ട​ത്തി പോ​യ​താ​ണെ​ന്നി​രി​ക്കെ റെ​യി​ൽ​വേ​യു​ടെ ക​ണ്ടെ​ത്ത​ൽ ചോ​ദ്യം​ചെ​യ്യ​പ്പെ​ട്ടു. ഇ​തോ​ടെ ച​രി​ത്ര​കാ​ര​ൻ ഡോ. ​എം. ഗം​ഗാ​ധ​ര​ൻ, ക​വി സി​വി​ക് ച​ന്ദ്ര​ൻ, യു. ​ക​ലാ​നാ​ഥ​ൻ എ​ന്നി​വ​ര​ട​ങ്ങി​യ ടീ​മി​നെ ദു​ര​ന്ത​കാ​ര​ണം ക​ണ്ടെ​ത്താ​നാ​യി ജ​ന​കീ​യ ആ​ക്ഷ​ൻ ക​മ്മി​റ്റി നി​യോ​ഗി​ച്ചു.

ര​ക്ഷ​പ്പെ​ട്ട യാ​ത്ര​ക്കാ​രു​ടെ മൊ​ഴി​യു​ടെ അ​ടി​സ്ഥാ​ന​ത്തി​ൽ ബോ​ഗി​ക​ളു​ടെ ത​ക​രാ​റാ​ണ് ദു​ര​ന്ത​ത്തി​ന് വ​ഴി​വെ​ച്ച​തെ​ന്ന് ക​മ്മി​റ്റി ക​ണ്ടെ​ത്തി. കോ​ഴി​ക്കോ​ട് റെ​യി​ൽ​വേ സ്റ്റേ​ഷ​നി​ൽ​നി​ന്ന് ട്രെ​യി​ൻ പു​റ​പ്പെ​ടു​മ്പോ​ൾ ബോ​ഗി​ക​ളി​ൽ​നി​ന്നു​ണ്ടാ​യ വ​ൻ ശ​ബ്ദം മൂ​ലം യാ​ത്ര​ക്കാ​ർ കൂ​ട്ട​മാ​യി നി​ല​വി​ളി​ച്ച കാ​ര്യം ര​ക്ഷ​പ്പെ​ട്ട​വ​ർ ക​മ്മി​റ്റി​ക്ക് മൊ​ഴി കൊ​ടു​ത്തി​രു​ന്നു. ക​മ്മി​റ്റി റി​പ്പോ​ർ​ട്ട് റെ​യി​ൽ​വേ​ക്ക് കൈ​മാ​റി​യെ​ങ്കി​ലും അ​ത് അ​വ​ഗ​ണി​ച്ചു.

ദു​ര​ന്ത​കാ​ര​ണം റെ​യി​ൽ​വേ​യു​ടെ വീ​ഴ്ച​യാ​ണെ​ന്ന് സി.​എ.​ജി​യും റി​പ്പോ​ർ​ട്ട് ചെ​യ്തു. ഇ​തു​സം​ബ​ന്ധി​ച്ച് ലോ​ക്സ​ഭ ച​ർ​ച്ച ചെ​യ്ത് ന​ട​പ​ടി സ്വീ​ക​രി​ക്കു​മെ​ന്ന് അ​ന്ന​ത്തെ റെ​യി​ൽ​വേ സ​ഹ​മ​ന്ത്രി ഒ. ​രാ​ജ​ഗോ​പാ​ൽ വ്യ​ക്ത​മാ​ക്കി​യെ​ങ്കി​ലും ഒ​ന്നും സം​ഭ​വി​ച്ചി​ല്ല.

ജീ​വ​ൻ ന​ഷ്ട​പ്പെ​ട്ട 52 പേ​രു​ടെ കു​ടും​ബ​ങ്ങ​ൾ​ക്ക് നാ​മ​മാ​ത്ര ന​ഷ്ട​പ​രി​ഹാ​രം ല​ഭി​ച്ച​പ്പോ​ൾ പ​രി​ക്കേ​റ്റ 225 പേ​രി​ൽ ഭൂ​രി​ഭാ​ഗം പേ​ർ​ക്കും ഒ​ന്നും കി​ട്ടി​യി​ല്ല. പാ​ല​ത്തി​ലൂ​ടെ ന​ട​ന്നു​പോ​കു​മ്പോ​ൾ മ​രി​ച്ച യു​വാ​വി​നും ന​ഷ്ട​പ​രി​ഹാ​രം ല​ഭി​ച്ചി​ല്ല. ര​ക്ഷാ​പ്ര​വ​ർ​ത്ത​ന​ത്തി​ൽ ഏ​ർ​പ്പെ​ട്ട​വ​ർ​ക്ക് ജോ​ലി ന​ൽ​കു​മെ​ന്ന വാ​ഗ്ദാ​ന​വും ജ​ല​രേ​ഖ​യാ​യി.