കുമരകം ഗവൺമെന്റ് വൊക്കേഷണൽ ഹയർ സെക്കൻഡറി സ്കൂളിൽ യോഗ ദിനാചരണം സംഘടിപ്പിച്ചു

കോട്ടയം: കുമരകം ഗവൺമെന്റ് വൊക്കേഷണൽ ഹയർ സെക്കൻഡറി സ്കൂളിലെ നാഷണൽ സർവീസ് സ്കീമിന്റെ നേതൃത്വത്തിൽ കുട്ടികൾക്കായി യോഗ പരിശീലനവും ദിനാചരണവും സംഘടിപ്പിച്ചു.

ശരീര വ്യായാമത്തിനും രോഗപ്രതിരോധത്തിനും ഇണങ്ങുന്ന തരത്തിലുള്ള വ്യായാമ മുറകളും പരിശീലന രീതികളും ഉൾപ്പെടുത്തികൊണ്ടാണ് ക്യാമ്പ് സംഘടിപ്പിച്ചത്.

കുമരകം ആയുർവേദ ഹോസ്പിറ്റലിലെ യോഗ പരിശീലകയും ആയുഷ് മിഷൻ യോഗ ഇൻസ്ട്രക്ടറുമായ ശ്രീമതി ശാലിനിയുടെ നേതൃത്വത്തിൽ ആയിരുന്നു പരിശീലനം.

പ്രിൻസിപ്പൽ ശ്രീമതി പൂജാ ചന്ദ്രൻ, എൻഎസ്എസ് പ്രോഗ്രാം കോഡിനേറ്റർ ശ്രീ വിനോദ് ആർ വി, ശ്രീ ബിജേഷ് എം എസ്, തുടങ്ങിയവർ പരിപാടിയിൽ സംബന്ധിച്ചു.