ദേശീയപാത നിർമ്മാണത്തിനിടെ അടിമാലിയിൽ മണ്ണിടിഞ്ഞ് വീണ് രണ്ട് തൊഴിലാളികൾക്ക് പരിക്ക്

ഇടുക്കി :  അടിമാലി -കൊച്ചി ധനൂഷ്കോടി ദേശീയപാതയിൽ പതിനാലാം മൈലിൽ മണ്ണിടിഞ്ഞ് വീണ് അപകടം.

ദേശീയപാതയുടെ വീതി കൂട്ടുന്നതിൻ്റെ ഭാഗമായി സൈഡ് കോൺക്രീറ്റ് മതിൽ നിർമ്മിക്കുന്നതിനിടെയാണ് അപകടം സംഭവിച്ചത്.

അപകടത്തിൽ രണ്ട് തൊഴിലാളികൾ മണ്ണിനടിയിൽപ്പെട്ടു. ഇവരെ സമയോചിതമായ ഇടപെടലിലൂടെ തൊഴിലാളികൾ ചേർന്ന് പുറത്ത് എടുത്ത് ആശുപത്രിയിൽ പ്രവേശിപ്പിച്ചു.

ഇന്ന് ഉച്ചയോടെയാണ് അപകടം നടന്നത്. പ്രദേശത്ത് ശക്തമായ മഴ ഉണ്ടായിരുന്നു. ഇതാണ് മണ്ണിടിച്ചിലിന് കാരണമായത്.