തിരുവനന്തപുരം: ലോക്സഭാ തെരഞ്ഞെടുപ്പ് വിലയിരുത്താന് കെപിസിസി നേതൃയോഗം മെയ് 4ന് രാവിലെ 10.30 ന് ഇന്ദിരാഭാവനില് ചേരും.
കെ സുധാകരൻ, വി ഡി സതീശൻ, സംഘടനാ ചുമതലയുള്ള എഐസിസി ജനറല് സെക്രട്ടറി കെസി വേണുഗോപാല്, കേരളത്തിന്റെ ചുമതലയുള്ള എഐസിസി ജനറല് സെക്രട്ടറി ദീപാദാസ് മുന്ഷി, രമേശ് ചെന്നിത്തല, കൊടിക്കുന്നില് സുരേഷ്, ശശി തരൂര് എന്നിവരും ലോക്സഭയിലേക്കു മത്സരിച്ച കോണ്ഗ്രസ് സ്ഥാനാര്ത്ഥികള്, എംഎല്എമാര്, കെപിസിസി ഭാരവാഹികള്, രാഷ്ട്രീയകാര്യ സമിതിയംഗങ്ങള്, ഡിസിസി പ്രസിഡന്റുമാര് തുടങ്ങിയവരും പങ്കെടുക്കും.
അതേസമയം, ലോക്സഭ തെരഞ്ഞെടുപ്പില് 12 സീറ്റില് വിജയം ഉറപ്പാണെന്നാണ് സിപിഎം സംസ്ഥാന സെക്രട്ടേറിയറ്റിന്റെ വിലയിരുത്തല്. ഭരണവിരുദ്ധ വികാരം പ്രചരണത്തിലൂടെ മറികടന്നെന്നാണ് യോഗത്തിലെ വിലയിരുത്തല്.
Whatsapp Group 1 | Whatsapp Group 2 |Telegram Group
വടകരയില് വോട്ട് കച്ചവടം നടന്നെന്നാണ് സിപിഎം ആശങ്ക. ബിജെപി വോട്ട് കോണ്ഗ്രസ് വാങ്ങിയെന്നാണ് യോഗത്തില് ആശങ്ക ഉയര്ന്നത്. പ്രതികൂല സാഹചര്യം മറി കടന്നും വടകര കടന്ന് കൂടുമെന്നാണ് നേതാക്കളുടെ വിലയിരുത്തല്.
