സ്വന്തം ലേഖകൻ
കണ്ണൂര്: കണ്ണൂരില് വീണ്ടും കളളവോട്ട് ആരോപണം. 85 വയസ്സിന് മുകളിലുള്ള അവശരായ മുതിര്ന്ന പൗരന്മാര്ക്ക് വീട്ടില്വെച്ച് വോട്ട് ചെയ്യുമ്പോള് യുഡിഎഫ് സ്ഥാനാര്ത്ഥിയുടെ നേതൃത്വത്തില് ആസൂത്രിതമായി വ്യാജവോട്ടുകള് ചെയ്തുവെന്നാണ് പരാതി.
70-ാം ബൂത്തിലെ 1420-ാം നമ്പര് പേരുകാരിയായ 86 വയസ്സുള്ള കമലാക്ഷിയുടെ വോട്ട് ഇതേ ബൂത്തിലെ 1148-ാം നമ്പര് വോട്ടറായ വി കമലാക്ഷി എന്നയാള് രേഖപ്പെടുത്തിയെന്നാണ് എല്ഡിഎഫ് ഉന്നയിക്കുന്ന പരാതി.
Whatsapp Group 1 | Whatsapp Group 2 |Telegram Group
യുഡിഎഫ് പ്രവര്ത്തക കൂടിയായ ബൂത്ത് ലെവല് ഓഫീസര് ഗീത രാഷ്ട്രീയതാല്പ്പര്യം വെച്ച് ആള്മാറാട്ടത്തിലൂടെ വ്യാജ വോട്ടറായ വി കമലാക്ഷിയെക്കൊണ്ട് വ്യാജവോട്ട് ചെയ്യിപ്പിച്ചുവെന്നും എല്ഡിഎഫ് ആരോപിക്കുന്നു.
യുഡിഎഫ് അനുഭാവികളായ ബിഎല്ഒമാരെ ഉപയോഗപ്പെടുത്തി ആള്മാറാട്ടം ഉള്പ്പെടെയുള്ള കുത്സിത മാര്ഗ്ഗത്തിലൂടെ കള്ളവോട്ട് ചെയ്യാനുള്ള യുഡിഎഫ് നീക്കം തിരഞ്ഞെടുപ്പ് അട്ടിമറിയാണെന്നും എല്ഡിഎഫ് മുഖ്യതിരഞ്ഞെടുപ്പ് ഓഫീസര്ക്ക് നല്കിയ പരാതിയില് പറയുന്നു.
