വിനോദ സഞ്ചാരത്തിന് എത്തിയ മെഡിക്കൽ വിദ്യാർത്ഥി ഷോക്കേറ്റ് മരിച്ചു

വയനാട്: മേപ്പാടിയിലെ സ്വകാര്യ റിസോർട്ടിൽ  വിനോദ സഞ്ചാരത്തിന് എത്തിയ  തമിഴ്നാട് സ്വദേശിയായ മെഡിക്കൽ വിദ്യാർത്ഥി ഷോക്കേറ്റ് മരിച്ചു.

ഇന്നലെ വൈകീട്ട് ഏഴോടെയാണ് സംഭവം.

തമിഴ്നാട് ഡിണ്ടിഗല്‍ സ്വദേശി ബാലാജി (21) ആണ് സ്വിമ്മിങ്പൂളിന് സമീപത്തെ ലൈറ്റ് തൂണില്‍ നിന്ന് ഷോക്കേറ്റു മരിച്ചത്.

വിദ്യാർത്ഥികൾ ഇന്നലെയാണ് കുന്നംപറ്റയിലെ റിസോർട്ടിൽ താമസിക്കാൻ എത്തിയത്. നിലവിൽ വിദ്യാർത്ഥിയുടെ മൃതദ്ദേഹം മേപ്പാടിയിലെ ആശുപത്രിയിലെ മോർച്ചറിയിൽ എത്തിച്ചിട്ടുണ്ട്.