കുമരകം കലാഭവനിലെ ഗന്ധർവ്വ പൂർണിമ: പ്രണയത്തിന്റെ മധുരമുള്ള പാട്ടുകൾ ആസ്വാദക മനസിൽ പൂമഴയായി:

സ്വന്തം ലേഖകൻ
കുമരകം : ഗാന ഗന്ധർവ്വൻ യേശുദാസിന്റെ ജന്മദിനത്തോടനുബന്ധിച്ച് കുമരകം കലാഭവൻ ഒരുക്കിയ പാട്ടു കൂട്ടം ശ്രദ്ധേയമായി.
പ്രണയത്തിന്റെ മധുരമുള്ള പാട്ടുകൾ സംഗീത പ്രേമികളുടെ ഹൃദയസരസിലേക്ക് പടർന്നു കയറി. കേരിത്തരിപ്പിക്കുന്ന ചില അനശ്വര ഗാനങ്ങൾ ആസ്വാദക മനസിൽ പൂമഴ പെയ്യിച്ചു.

കുമരകം കലാഭവന്റെ കലാ സാംസ്കാരിക കൂട്ടായ്മയുടെ ഭാഗമായി ഗന്ധർവ്വ പൂർണിമ (ദാസേട്ടൻ @ 84) എന്ന പേരിലായിരുന്നു പാട്ട് കൂട്ടം സംഘടിപ്പിച്ചത്. ഗന്ധർവ്വ പൂർണിമ ഗാനഭൂഷണം ജയമോൾ ദിലീപ്കുമാർ ഉദ്ഘാടനം ചെയ്തു. ചടങ്ങിൽ കലാഭവൻ ഭാരവാഹികളായ ടി കെ ലാൽ ജ്യോത്സ്യർ , എസ് ഡി പ്രേംജി, പി എസ് സദാശിവൻ ,ജയരാജ് എസ്, രാജി സാജൻ എന്നിവർ സംസാരിച്ചു ,

ഗന്ധർവ്വ പൂർണിമയിൽ യേശുദാസ് പാടിയ ഗാനങ്ങൾ ഗായകരായ ബാബുപള്ളിച്ചിറ, സന്തോഷ് ,ദിലീപ് കുമാർ, ജയമോൻ മേലേക്കര , ദിലീപ് കുമാർ ,അമ്മാൾ സാജുലാൽ, നീതുമോൾ, ജിബി ,സജീവ് പി കെ ,സുശീലൻ ഇ കെ, ശശിധരൻ എം എൻ, തങ്കപ്പൻ ടി സി ,ശാന്തകുമാർ പി കെ, ബിജോമോൻ, ശശികുമാർ കദളിക്കാട്ട്മാലി ,രാജു എൻ എ ,മനോഹരൻ പി കെ,, ജയരാജ് എസ്, രാജി സാജൻ എന്നിവർ ആലപിച്ചു.