സ്വന്തം ലേഖിക
ജീത്തു ജോസഫ് മോഹൻലാൽ കൂട്ടുകെട്ടിൽ റിലീസായ പുതിയ സിനിമയാണ് ‘നേര്’.ഇന്നായിരുന്നു ‘നേര്’ ന്റെ റിലീസ്.സിനിമയ്ക്ക് ആദ്യ ദിനം തന്നെ മികച്ച പ്രതികരണമാണ് ലഭിക്കുന്നത്.എന്നാൽ കഴിഞ്ഞ ദിവസം തന്റെ പുതിയ ചിത്രമായ ‘നേര്’മായി ബന്ധപ്പെട്ട വിവാദങ്ങളില് പ്രതികരണവുമായി സംവിധായകന് ജീത്തു ജോസഫ് രംഗത്തെത്തിയിരുന്നു. ‘നേര്’ എന്ന സിനിമയുടെ കഥക്ക് അവകാശവാദം ഉന്നയിച്ചു മറ്റൊരാളാള് രംഗത്തെത്തിയതായിരുന്നു വിവാദങ്ങൾക്ക് വഴി വെച്ചത്.
മറ്റേത് സിനിമയെയും സമീപിക്കുന്നത് പോലെ തികഞ്ഞ സത്യസന്ധതയോടെയും ഉത്സാഹത്തോടെയുമാണ് ‘നേര്’ എന്ന ചിത്രം ഒരുക്കിയതെന്ന് ജീത്തു ഫേസ്ബുക്കില് കുറിച്ചിരുന്നു.മനഃപൂര്വമായ ആക്രമണം നേരിടുന്നത് ഇതാദ്യമായിട്ടല്ലെന്ന് സംവിധായകന് സിനിമാപ്രേമികളുടെ ഗ്രൂപ്പായ സിനിഫൈലിലും കുറിച്ചു.
Whatsapp Group 1 | Whatsapp Group 2 |Telegram Group
കുറിപ്പിന്റെ പൂര്ണരൂപം
‘നേര്’ നിങ്ങളിലേക്ക് എത്താൻ ഇനി മണിക്കൂറുകള് മാത്രമാണുള്ളത്. ഞാൻ പ്രവര്ത്തിച്ചിട്ടുള്ള മറ്റേത് സിനിമയെയും സമീപിക്കുന്നത് പോലെ തികഞ്ഞ സത്യസന്ധതയോടെയും ഉത്സാഹത്തോടെയുമാണ് ‘നേര്’ എന്ന ചിത്രം ഒരുക്കിയത്. എന്നാല് കഴിഞ്ഞ കുറച്ചു ദിവസങ്ങള്ക്കിടയില്, അതും എന്റെ സിനിമയുടെ റീലീസ് അടുക്കുന്ന വേളയില് ഒരു വിവാദം സൃഷ്ടിക്കപ്പെട്ടു. ‘നേര്’ എന്ന സിനിമയുടെ കഥക്ക് അവകാശവാദം ഉന്നയിച്ചു മറ്റൊരാളാള് രംഗത്തെത്തുകയും അതിനായി കോടതിയെ സമീപിക്കുകയും ചെയ്ത വിവരം നിങ്ങള് അറിഞ്ഞു കാണുമല്ലോ.
പ്രസ്തുത കക്ഷി എഴുതിയ കഥയുടെ സിനോപ്സിസ് കേസിന്റെ രേഖകളോടൊപ്പം സമൂഹ മാധ്യമങ്ങളില് പ്രചരിക്കുന്നുണ്ട്. നാളെ ‘ നേര് ‘ തിയറ്ററുകളില് നിന്നു കണ്ട ശേഷം നിങ്ങള് പ്രേക്ഷകര് വിധിയെഴുതുക നേരെന്ത് കളവെന്ത് എന്നുള്ളത്.!!
ജീത്തു ജോസഫ്.
ജീത്തുവിന്റെ സിനീഫൈല് കുറിപ്പ്
“ഹായ് സിനീഫൈല്,നാളെ നേര് റിലീസാണ്.
ഇതുവരെ കൂടെ നിന്നത് പോലെ തന്നെ മുന്നോട്ടും സപ്പോര്ട്ട് ഉണ്ടാവുമല്ലോ. പിന്നേ, നേരിന്റെ കഥയുടെ അവകാശം പറഞ്ഞു ചിലര് രംഗത്ത് വന്നത് എല്ലാവരും അറിഞ്ഞു കാണുമല്ലോ. പല ഓണ്ലൈൻ ചാനലുകളും കേസിന് പോയ ആളുടെ കഥ പബ്ലിഷ് ചെയ്തിട്ടുണ്ട്. (ഹൈദരാലിയുടെ അടക്കം). നിങ്ങളത് കേട്ടിട്ട് നേര് സിനിമ കണ്ട് വിലയിരുത്തൂ. ഇത്തരം ആരോപണങ്ങളില് എത്രമാത്രം കഴമ്ബ് ഉണ്ടെന്ന്..
അത് മാത്രമേ എനിക്ക് പറയാൻ ഉള്ളൂ.. മനഃപൂര്വമായ ആക്രമണം ഞാൻ നേരിടുന്നത് ഇത് ആദ്യമായി അല്ല. എനിക്ക് വിശ്വാസം എന്റെ പ്രേക്ഷകരെയാണ്.. പ്രേക്ഷകര് ഞാൻ നല്കുന്ന വിശ്വാസം എനിക്ക് തിരിച്ചും തരുന്നുണ്ട്. നിങ്ങള്ക്ക് ഇഷ്ടപ്പെടുന്ന ചിത്രം തന്നെയാവും നേര്”…ജീത്തു കുറിച്ചു.
നേരിന്റെ റിലീസ് തടയണമെന്നാവശ്യപ്പെട്ട് എഴുത്തുകാരനായ ദീപക് ഉണ്ണി ഹൈക്കോടതിയെ സമീപിച്ചിരുന്നു. സിനിമയുടെ സഹ തിരക്കഥാകൃത്ത് ശാന്തി മായാദേവി തന്റെ കഥ മോഷ്ടിച്ചു എന്നാണ് ഹര്ജിയിലെ ആരോപണം. എന്നാല് ചിത്രത്തിന്റെ റിലീസ് സ്റ്റേ ചെയ്യണമെന്നാവശ്യപ്പെട്ടുള്ള ഹരജി ഹൈക്കോടതി തള്ളുകയും ചെയ്തു.കോര്ട്ട് റൂം ഡ്രാമ വിഭാഗത്തില് പെടുന്ന ചിത്രത്തില് മോഹന്ലാല് വിജയമോഹനെന്ന അഭിഭാഷകനെയാണ് അവതരിപ്പിക്കുന്നത്. ആശിര്വാദ് സിനിമാസിന്റെ ബാനറില് ആന്റണി പെരുമ്ബാവൂരാണ് ചിത്രം നിര്മിക്കുന്നത്. പ്രിയാ മണി, ജഗദീഷ്, അനശ്വര രാജന്,സിദ്ദിഖ്. ഗണേഷ് കുമാര് എന്നിവരാണ് ചിത്രത്തിലെ മറ്റ് അഭിനേതാക്കള്.
