തിരുവനന്തപുരം: കൊവിഡ് വ്യാപനത്തിന്റെ പശ്ചാത്തലത്തില് ആശുപത്രികളില് മാസ്ക് ഉപയോഗിക്കണമെന്ന് ആരോഗ്യമന്ത്രിയുടെ അധ്യക്ഷതയില് ചേര്ന്ന ഉന്നതല യോഗത്തില് നിര്ദേശം.
ആരോഗ്യപ്രവര്ത്തകരും ആശുപത്രികളില് എത്തുന്ന രോഗികളും മാസ്ക് ഉപയോഗിക്കണമെന്നാണ് നിര്ദേശം. മാസ്ക് നിര്ബന്ധമാക്കിയിട്ടില്ലെങ്കിലും മുന്കരുതലായും രോഗ വ്യാപനം തടയാനും ഉപയോഗിക്കണമെന്നാണ് നിര്ദേശം.
കൊവിഡ് രോഗ വ്യാപനം നിയന്ത്രണ വിധേയമാണെന്ന് ഉന്നതതല യോഗം വിലയിരുത്തി. അനാവശ്യ ഭീതി വേണ്ടെന്നും കടുത്ത നിയന്ത്രണങ്ങളും ആവശ്യമില്ലെന്നും യോഗം വ്യക്തമാക്കി.
Whatsapp Group 1 | Whatsapp Group 2 |Telegram Group
കേസുകളില് വര്ധന എറണാകുളം, തിരുവനന്തപുരം ജില്ലകളിലാണ് കൊവിഡ് കേസുകളില് വര്ധനവുള്ളതെന്നും ഇവിടങ്ങളില് പ്രത്യേക ശ്രദ്ധ ആവശ്യമാണെന്നും യോഗത്തില് നിര്ദേശമുയര്ന്നു. ആവശ്യത്തിന് ഐസൊലേഷന്,ഐസിയു ബെഡുകള് ഉറപ്പാക്കണമെന്നും യോഗം നിര്ദേശം നല്കി.
മരണകണക്കില് ആശങ്ക വേണ്ടെന്നും യോഗം വ്യക്തമാക്കി. റാന്ഡം പരിശോധന നടത്തേണ്ടെന്നും രോഗലക്ഷണങ്ങള് ഉള്ളവരില് മാത്രം പരിശോധന നടത്തിയാല് മതിയെന്നും ഉന്നത തല യോഗം നിര്ദേശിച്ചു.
