സ്വന്തം ലേഖിക.
സി.ഐ.ഡി, തേരേ ഇഷ്ഖ് മേം ഘയല് തുടങ്ങിയ പരമ്പരകളിലൂടെ ജനപ്രീതിയാര്ജിച്ച നടിയാണ് വൈഷ്ണവി ധൻരാജ്. കഴിഞ്ഞദിവസം എക്സില് വൈഷ്ണവി എക്സിൽ പോസ്റ്റ് ചെയ്ത വീഡിയോ ഏവരേയും അമ്പരപ്പിച്ചിരിക്കുകയാണ്.
തന്നെ വീട്ടുകാര് ക്രൂരമായി മര്ദിക്കുന്നുവെന്നും താൻ കാഷിമിറ പോലീസ് സ്റ്റേഷനിലാണെന്നും ഈ വീഡിയോ കാണുന്ന ആരെങ്കിലും തന്നെ ഈ സാഹചര്യത്തില്നിന്ന് രക്ഷപ്പെടാൻ സഹായിക്കണമെന്നുമാണ് വീഡിയോയില് വൈഷ്ണവി പറയുന്നത്. ഇതിനൊപ്പം മുഖത്തേറ്റ മുറിവുകളുടെ അടയാളങ്ങളും അവര് കാണിക്കുന്നുണ്ട്. വീട്ടുകാരുടെ മര്ദനത്തിന്റെ ഫലമായുണ്ടായതാണ് മുറിവുകളെന്നും അവര് ആരോപിക്കുന്നു.മുഖത്ത് മുറിവുകളോടെയായിരുന്നു നടി പ്രത്യക്ഷപ്പെട്ടത്.
Whatsapp Group 1 | Whatsapp Group 2 |Telegram Group
2016-ല് നടൻ നിതിൻ ഷെരാവത്തിനെ വൈഷ്ണവി വിവാഹം കഴിച്ചിരുന്നു. എന്നാല് ഗാര്ഹിക പീഡനങ്ങളുടെ ആവര്ത്തിച്ചുള്ള സംഭവങ്ങള് കാരണം നിതിനുമായി വിവാഹമോചനം നേടിയതായി നേരത്തെ ഒരു അഭിമുഖത്തില് അവര് വെളിപ്പെടുത്തിയിരുന്നു.
