ഓണ്‍ലൈൻ ഫുഡ് ഡെലിവെറിയുടെ മറവില്‍ ലഹരിവില്‍പ്പന; രണ്ടരകിലോ കഞ്ചാവും എംഡിഎംഎയുമായി യുവാക്കള്‍ പിടിയില്‍

തിരുവനന്തപുരം: ഓണ്‍ലൈൻ ഫുഡ് ഡെലിവെറിയുടെ മറവില്‍ ലഹരിവില്‍പ്പന നടത്തിയവര്‍ പിടിയില്‍.

കരമന സ്വദേശി അനീഷ്, ശ്രീകാര്യം സ്വദേശി വിഷ്ണു എന്നിവരാണ് പിടിയിലായത്.

പ്രതികളില്‍ നിന്നും രണ്ടരക്കിലോ കഞ്ചാവും എംഡിഎംഎയും പിടികൂടി. തിരുവനന്തപുരത്ത് നിന്നും ബാലരാമപുരം നരുവാമൂട് പൊലീസ് ആണ് പ്രതികളെ പിടികൂടിയത്.

രഹസ്യവിവരത്തിന്റെ അടിസ്ഥാനത്തില്‍ ഇവര്‍ പൊലീസിന്റെ നിരീക്ഷണത്തിലായിരുന്നു.

ലഹരി വസ്തുക്കള്‍ വാടകവീട്ടില്‍ സൂക്ഷിച്ച്‌ വച്ച്‌ ആവശ്യക്കാര്‍ക്ക് എത്തിച്ചുകൊടുക്കുകയാണ് ഇവര്‍ ചെയ്തിരുന്നത്.