സ്വന്തം ലേഖിക
അടിമാലി: ക്ഷേമപെൻഷൻ മുടങ്ങിയതിനെതിരേ ഭിക്ഷാപാത്രവുമായി അടിമാലിയിലെ തെരുവിലിറങ്ങിയ മറിയക്കുട്ടിയെ കാണാൻ നടനും ബി.ജെ.പി നേതാവുമായ സുരേഷ് ഗോപി നേരിട്ടെത്തി.വെള്ളിയാഴ്ച രാവിലെ 8.30-നായിരുന്നു സന്ദര്ശനം. മറിയക്കുട്ടിക്ക് പിന്തുണ അറിയിക്കുക എന്നതാണ് സന്ദര്ശനത്തിന്ന് പിന്നിലെ മുഖ്യലക്ഷ്യമെന്നാണ് വിലയിരുത്തല്. കഴിഞ്ഞ ദിവസങ്ങളില് സുരേഷ് ഗോപിയുടെ കേസുമായി ബന്ധപ്പെട്ട വിഷയവും മറിയക്കുട്ടി ചാനല് ചര്ച്ചകളില് ഉന്നയിച്ചിരുന്നു.
കേന്ദ്രത്തിന്റെ കാശ് എവിടെ പോകുമെന്ന് താൻ ചോദിക്കുമെന്ന് മറിയക്കുട്ടി സുരേഷ് ഗോപിയോട് പറഞ്ഞു. ബി.ജെ.പിയെ കുറ്റം പറഞ്ഞ് കള്ളക്കടത്ത് നടത്തുന്നു. തനിക്ക് മഞ്ഞ കാര്ഡ് ഇല്ല. അത് സി.പി.എം-കാര്ക്കുള്ളതാണ്. ജനങ്ങള്ക്ക് മുഖ്യമന്ത്രിയെ പേടിയാണ്. ഇതുപോലെ ഒരു മുഖ്യമന്ത്രിയെ താൻ കണ്ടിട്ടില്ല. മടുത്തിട്ടാണ് ഇക്കാര്യം പറയുന്നതെന്നും മറിയക്കുട്ടി ആരോപിച്ചു.
Whatsapp Group 1 | Whatsapp Group 2 |Telegram Group
പെട്രോള് അടിക്കുമ്ബോള് രണ്ട് രൂപ അധികം പിരിക്കുന്നുണ്ടെന്ന് സുരേഷ് ഗോപി മറിയക്കുട്ടിയോട് പറഞ്ഞു. ഇത് പാവങ്ങള്ക്കുള്ള പെൻഷൻ നല്കാനാണെന്ന് മുഖ്യമന്ത്രി പറഞ്ഞിരുന്നു. എന്നാല്, ഇനിയങ്ങോട്ട് ആ രണ്ട് രൂപ നല്കില്ലെന്ന് ജനങ്ങള് തീരുമാനിക്കണം. ഇന്ത്യൻ ഓയില് അടക്കമുള്ള കമ്ബനികള്ക്ക് വിഷയം ചൂണ്ടിക്കാട്ടി കത്തെഴുതണം. ഈ സര്ക്കാര് വിശ്വസിക്കാനാവില്ലെന്ന് വ്യക്തമാക്കണമെന്നും സുരേഷ് ഗോപി ചൂണ്ടിക്കാട്ടി.
ക്ഷേമപെൻഷൻ ലഭിക്കാൻ കാലതാമസം വന്നതിനെത്തുടര്ന്ന് മറിയക്കുട്ടിയും (87), അന്ന ഔസേപ്പും (80) കഴിഞ്ഞയാഴ്ചയാണ് അടിമാലിയില് ഭിക്ഷയാചിച്ച് സമരം ചെയ്തത്. പിന്നാലെ, ഇവരെ വിമര്ശിച്ച് സി.പി.എം. മുഖപത്രം രംഗത്തെത്തി. മറിയക്കുട്ടിക്ക് ഒന്നര ഏക്കര് സ്ഥലമുണ്ടെന്നും രണ്ട് വീടുണ്ടെന്നും അതില് ഒന്ന് വാടകയ്ക്ക് നല്കിയിരിക്കുകയാണെന്നും സി.പി.എം പ്രചരിപ്പിച്ചു. പെണ്മക്കളായ നാലുപേരും നല്ല സാമ്ബത്തിക സ്ഥിതിയില് കഴിയുന്നവരാണ്. ഇതില് ഒരാള് വിദേശത്താണെന്നുമടക്കം പ്രചാരണം കൊഴുത്തു.
എന്നാല്, സെെബര് ആക്രമണം ശക്തമായതോടെ തന്റെ പേരില് ഭൂമിയില്ലെന്ന് മന്നാംങ്കണ്ടം വില്ലേജ് ഓഫീസര് സാക്ഷ്യപ്പെടുത്തിയ സര്ട്ടിഫിക്കറ്റ് മറിയക്കുട്ടി പുറത്തുവിട്ടു. തനിക്കെതിരേ വ്യാജ പ്രചാരണം നടത്തുന്നവര്ക്കെതിരേ അപകീര്ത്തിക്കേസ് നല്കുമെന്നും അവര് വ്യക്തമാക്കി. പിന്നാലെ, വിഷയത്തില് പാര്ട്ടി മുഖപത്രം ഖേദം പ്രകടിപ്പിച്ചിരുന്നു.
