നഗരസഭയുടെ ബോർഡിന് പുല്ലുവില; കോട്ടയം ചുങ്കത്ത് അനധികൃതമായി റോഡ് കൈയേറി വഴിയോര കച്ചവടം നടത്തിയവരെ ഒഴിപ്പിച്ച് നഗരസഭയും പൊലീസും

സ്വന്തം ലേഖകൻ

കോട്ടയം : കോട്ടയം ചുങ്കത്ത് അനധികൃതമായി  റോഡ്  കയ്യേറി വഴിയോരക്കച്ചവടം നടത്തിയിരുന്നവരെ ഒഴിപ്പിച്ച് നഗരസഭാ അധികൃതരും പോലീസുകാരും.

കോട്ടയം നഗരസഭ സ്ഥാപിച്ച അനധികൃത കയ്യേറ്റവും വഴിയോര കച്ചവടവും നിരോധിച്ചിരിക്കുന്നു എന്ന ബോർഡിന് ചേർന്നാണ് വ്യാപാരം നടത്തിയിരുന്നത്. സമീപത്തുള്ള വെയിറ്റിംഗ് ഷെഡും ഇവർ കയ്യേറി.

മുൻപ് പലതവണ കട ഒഴിയണമെന്ന് നഗരസഭാ അധികൃതർ ഇവരെ അറിയിച്ചിട്ടുള്ളതാണ്. എന്നാൽ അറിയിപ്പ് പാലിക്കാത്തതിനെ തുടർന്നാണ് പോലീസിന്റെ സഹായത്തോടുകൂടി ഇവരെ ഒഴിപ്പിച്ചത്.